جەكسەنبى, 5 قازان 2025
بيلىك 238 0 پىكىر 4 قازان, 2025 ساعات 22:08

Digital Bridge 2025: AMANAT جاساندى ينتەللەكتكە سەنىم ارتادى

سۋرەتتى تۇسىرگەن: ءالي عالىم.

«Digital Bridge 2025» حالىقارالىق فورۋمى اياسىندا «AMANAT» پارتياسى «AMANAT and AI: Bolashaqqa Qadam» پانەلدىك سەسسياسىن وتكىزدى. وندا ساياساتتاعى، ەكونوميكاداعى جانە الەۋمەتتىك سالاداعى جاساندى ينتەللەكتتىڭ ءرولى تالقىلاندى. زاماناۋي اقپاراتتىق تەحنولوگيالاردىڭ سىن-قاتەرلەرى مەن مۇمكىندىكتەرى، جاساندى ينتەللەكتتى زاڭنامالىق تۇرعىدا رەتتەۋ، سونداي-اق تەحنوۇلت قالىپتاستىرۋ پەرسپەكتيۆالارى باستى نازاردا بولدى. 

سۋرەتتى تۇسىرگەن: ءالي عالىم.

سەسسيادا ءسوز سويلەگەن «AMANAT» پارتياسىنىڭ اتقارۋشى حاتشىسى داۋلەت كارىبەك تسيفرلىق كۇن ءتارتىبى جەكەلەگەن سالالار شەڭبەرىنەن شىعىپ، ەلىمىزدىڭ تۇراقتى دامۋىنا قاجەت جاعدايعا اينالاتىنىن اتاپ ءوتتى. 

«الەمدە تسيفرلىق جارىس ءجۇرىپ جاتىر. مۇنىڭ بىزگە دە تىكەلەي قاتىسى بار. وسى تسيفرلىق باسەكەدە تابىستى بولۋىمىز كەرەك. بۇل تۋرالى كەشە وسى الاڭدا مەملەكەت باسشىسى قاسىم-جومارت توقاەۆ ەگجەي-تەگجەيلى ايتىپ بەردى. ول قازاقستان ەۋرازيانىڭ نەگىزگى تسيفرلىق حابىنا اينالۋعا ءتيىس ەكەنىن اتاپ ءوتتى. بۇل باعىتتا مەملەكەت تاراپىنان ايتارلىقتاي اۋقىمدى جۇمىس جۇرگىزىلدى. بىزدە مەملەكەتتىك قىزمەتتەردىڭ 92%-ى ونلاين-فورماتتا كورسەتىلەدى. تمد بويىنشا 1-ءشى جانە ەلەكتروندى ۇكىمەت يندەكسى بويىنشا الەمدە 28-ءشى ورىندامىز. ال بۇگىندە ەلىمىز eGov-تان AI-Gov-قا كوشىپ جاتىر. وسىلايشا، قازاقستان ەندى الەمدىك ۇردىستەرگە بەيىمدەلىپ قانا قويماي، ءوزىنىڭ دەربەس تسيفرلىق مەملەكەت ۇلگىسىن قالىپتاستىرۋدا»، – دەدى ول.

سونداي-اق، پارتيانىڭ اتقارۋشى حاتشىسى قازىردىڭ وزىندە جۇزەگە اسىرىلىپ جاتقان «AMANAT» پارتياسىنىڭ باستامالارىنا نازار اۋداردى. جىل باسىندا تسيفرلىق ساۋاتتىلىق پەن ينتەرنەتتەگى قاۋىپسىز مىنەز-قۇلىق مادەنيەتىن ارتتىرۋعا باعىتتالعان «تسيفرلىق قوعام» جوباسى ىسكە قوسىلدى. بىرقاتار وڭىردە وقۋشىلارعا كيبەرقاۋىپسىزدىك بويىنشا قاناتقاقتى ساباقتار، اتا-انالارعا ارنالعان ترەنينگتەر جانە «كيبەر تۇمار» ناۋقانى اياسىندا IT-ساراپشىلارمەن كەزدەسۋلەر وتۋدە. «جەر اماناتى» جوباسى دا ەرەكشە ماڭىزعا يە. اتالعان جوبا ارقىلى 13 ملن گەكتاردان استام جەر مەملەكەت مەنشىگىنە قايتارىلدى. اشىقتىقتى قامتاماسىز ەتۋ ماقساتىندا Jerkarta.gharysh.kz گەوسەرۆيس قۇرىلدى. اتالعان پورتال ارقىلى كەز-كەلگەن ادام قاي جەر ۋچاسكەلەرىنىڭ قايتارىلعانىن جانە ولاردىڭ قالاي بولىنەتىنىن كورە الادى. 

سۋرەتتى تۇسىرگەن: ءالي عالىم.

«Alibaba Group»-تىڭ حالىقارالىق ۇكىمەتتىك بايلانىستار ءبولىمىنىڭ باسشىسى فرانك ليۋدۆين شافەر قازاقستان جاساندى ينتەللەكتتى دامىتۋ ىسىندە تولاعاي تابىسقا جەتىپ جاتقانىن اتاپ ءوتتى. 

«سىزدەردىڭ ساياسي كوشباسشىلارىڭىزدىڭ الىستى بولجاي بىلەتىن كورەگەندىگىن اتاپ وتكىم كەلەدى. قازاقستان رەسپۋبليكاسى پرەزيدەنتىنىڭ بىرنەشە اپتا بۇرىن جاريالاعان جولداۋىنا ەرەكشە تاڭ قالدىم. سىزدەردە بىرقاتار ارتىقشىلىق بار: ءبىر جاعىنان سىزدەر يننوۆاتسياعا قاجەت مۇمكىندىك جاسايسىزدار، ال ەكىنشى جاعىنان تاۋەكەلدەردى ازايتاسىزدار. سونداي-اق بۇل – قازاقستاندا بيزنەس جۇرگىزگىسى كەلەتىن كومپانيالار ءۇشىن جاسالعان اشىقتىق. سىزدەردە وتە وڭ دەموگرافيالىق جاعداي قالىپتاسقان – جاس، تەحنولوگيانى جاقسى بىلەتىن، ىنتالى جۇمىس كۇشى بار. بۇل قازىردىڭ وزىندە ۇلكەن ارتىقشىلىق»، – دەدى ول.

سۋرەتتى تۇسىرگەن: ءالي عالىم.

ءماجىلىس دەپۋتاتى، «AMANAT» فراكتسياسىنىڭ مۇشەسى ەكاتەرينا سمىشلياەۆا جاساندى ينتەللەكتتى زاڭنامالىق تۇرعىدا رەتتەۋ ماسەلەلەرىنە تولىعىراق توقتالدى. وسىدان ءبىر اپتا بۇرىن پارلامەنتتىڭ تومەنگى پالاتاسىندا «جاساندى ينتەللەكت تۋرالى» زاڭ جوباسى قابىلداندى، ال قازىرگى تاڭدا حالىق قالاۋلىلارى ساراپشىلارمەن جانە قوعام قايراتكەرلەرىمەن بىرلەسىپ، تسيفرلىق كودەكس جوباسىن ازىرلەۋ جۇمىسىن جالعاستىرۋدا. 

«بولاشاقتا زاڭدار زاڭگەرلەر ءۇشىن وقىلىمدى بولىپ قانا قويماي، الگوريتمدەر ءۇشىن دە تۇسىنىكتى بولۋى كەرەك. ءبىز تسيفرلىق قۇقىقتا جاڭا ستاندارتقا اينالاتىن، ماشينا وقي الاتىن ەرەجەلەر تۋرالى ايتىپ وتىرمىز. تسيفرلىق كودەكس تسيفرلىق ورتاداعى قاتىناستاردى رەتتەيتىن بارلىق نورمانى بىرىكتىرەدى جانە ەلىمىزدىڭ قاۋىپسىز، ءادىل تسيفرلىق دامۋىنىڭ نەگىزى بولادى. قوعام مەن بيزنەستىڭ قاتىسۋىنسىز تسيفرلىق ترانسفورماتسيا جاساۋ مۇمكىن ەمەس. اتاپ ايتقاندا، زاڭناما بارلىق تاراپتىڭ مۇددەسىن تەڭەستىرۋگە مۇمكىندىك بەرەدى»، – دەدى ول. 

سونداي-اق ەكاتەرينا سمىشلياەۆا «AMANAT» پارتياسىنىڭ دەپۋتاتتارى ەلىمىزدىڭ تسيفرلىق ەكوجۇيەسىن قالىپتاستىرۋعا تىكەلەي اتسالىسقانىن ەسكە سالدى: بيومەتريانى ەنگىزۋ، دەرەكتەردى جيناۋعا كەلىسىم بەرۋ، وپەراتورلاردىڭ قىزمەتىن رەتتەۋ، سونداي-اق ولاردى پايدالانۋ كەزىندە جاۋاپكەرشىلىك جۇكتەۋ پروتسەستەرىن قامتاماسىز ەتتى. وسىلايشا، قازاقستاندا تسيفرلىق سالانى دامىتۋ جۇمىسىنىڭ ىرگەتاسى قالاندى. 

سۋرەتتى تۇسىرگەن: ءالي عالىم.

پىكىرتالاس بارىسىندا جەر رەسۋرستارىن بولۋدەگى اشىقتىق ماسەلەسى ماڭىزدى ورىن الدى. «قازاقستان عارىش ساپارى» ۇك باسقارۋشى ديرەكتورى – باسقارما مۇشەسى امانات ۇمبەتباەۆ لاتيفۋنديستەرمەن كۇرەس جانە جەرگە قاتىستى ادىلدىكتى قامتاماسىز ەتۋ جۇمىسىندا عارىشتىق تەحنولوگيالاردى قولدانۋ قادامدارى تۋرالى ايتتى. 

«بۇگىندە عارىشتىق مونيتورينگ جۇمىسى پايدالانىلماي جاتقان جەرلەردى انىقتاۋدىڭ نەگىزگى قۇرالدارىنىڭ بىرىنە اينالدى. سپۋتنيك سۋرەتتەرى مەن تەحنولوگيالار، سونىڭ ىشىندە جاساندى ينتەللەكت ەلەمەنتتەرى ارقىلى ءبىز پايدالانىلماي جاتقان نەمەسە جارتىلاي پايدالانىلعان جەرلەردى انىقتاي الامىز. انىقتالعان ۋچاسكەلەر بويىنشا اقپارات zher.garysh.kz گەوسەرۆيسىندە جاريالانادى. سونىڭ نەگىزىندە ءتيىستى مو وسى جەرلەردى قايتارۋ بويىنشا شارا قابىلدايدى. بۇل – تسيفرلىق جانە عارىشتىق تەحنولوگيالار ادىلەتتى قازاقستاندى قۇرۋ ىسىنە قالاي ۇلەس قوساتىنىنىڭ جارقىن مىسالى»، – دەدى ول.

سۋرەتتى تۇسىرگەن: ءالي عالىم.

الەۋمەتتىك ماسەلەلەردى شەشۋدىڭ تسيفرلىق تاسىلدەرى تۋرالى «AMANAT» پارتياسىنىڭ «قارىزسىز قوعام» جوباسىنىڭ اتقارۋشى ديرەكتورى ولجاس ورداباەۆ باياندادى. ول 2025 جىلى 800 مىڭنان استام ادام جۇگىنىپ، 360 مىڭ ادام تىكەلەي كومەك العانىن، سونىڭ ىشىندە 250 مىڭ ازامات وقۋدان وتكەنىن، 110 مىڭ تۇلعا زاڭگەرلىك كەڭەس العانىن اتاپ ءوتتى. 

«تسيفرلاندىرۋ ماسەلەسى مەملەكەت باسشىسىنىڭ جولداۋى ارقىلى جاڭا ۇلتتىق يدەياعا اينالدى. ءبىزدىڭ جوبا دا ارتتا قالىپ قويماي، تسيفرلىق قۇرالدار بەلسەندى تۇردە ەنگىزىلۋدە. جاساندى ينتەللەكت ەلەمەنتتەرى بار پيلوتتىق جۇيە كەزدەيسوق قوڭىراۋلاردى سۇزگىدەن وتكىزۋگە، شىنىمەن قولداۋدى قاجەت ەتەتىن ادامداردى ادۆوكاتتارعا باعىتتاۋعا مۇمكىندىك بەرەدى. ازاماتتار 24/7 رەجيمىندە Whatsapp-تاعى ءبىزدىڭ جي بوت ارقىلى ءوتىنىش-تىلەگىن جازادى، ول ءوز كەزەگىندە ءوتىنىش بەرۋشىلەردىڭ دەرەكتەرىن اۆتوماتتى تۇردە جينايدى»، – دەدى ول.

سۋرەتتى تۇسىرگەن: ءالي عالىم.

جوبالىق كەڭسە جەتەكشىسىنىڭ وڭىرلىك ساياسات جونىندەگى ورىنباسارى ءانۋار كەرەمباەۆ اۋىلدى دامىتۋ تاقىرىبىن قوزعاپ، «اۋىل اماناتى» پارتيالىق جوباسىنىڭ اۋقىمىن اتاپ ءوتتى. 

«2029 جىلعا دەيىن 1 ميلليون اۋىل تۇرعىنىن قامتىپ، 350 مىڭ جۇمىس ورنىن اشۋ جوسپارلانۋدا. قازىردىڭ وزىندە 2295 اۋىلدىق وكرۋگكە ەكونوميكالىق سكرينينگ جۇرگىزىلدى. سونىڭ نەگىزىندە 12 مىڭنان استام بولجامدى ينۆەستيتسيالىق جوبا ازىرلەندى. اۋىلداردى سكرينينگتەن وتكىزۋ قادامى جەرگىلىكتى كاسىپكەرلىكتىڭ دامىتۋعا بولاتىن باعىتتارىن ايقىنداپ، بيزنەستىڭ قۇرىلىمىن ناقتىلاي تۇسەدى. جاساندى ينتەللەكت ولاردى ايماقتارعا، قىزمەت پروفيلىنە، رەسۋرستاردىڭ قول جەتىمدىلىگىنە جانە باسقا كورسەتكىشتەرگە بولۋگە كومەكتەسەدى»، – دەدى ول.

سۋرەتتى تۇسىرگەن: ءالي عالىم.

سەسسيا بارىسىندا قاتىسۋشىلار بەلسەندى پىكىر الماسىپ، سپيكەرلەر جينالعان ازاماتتاردىڭ سۇراقتارىنا جاۋاپ بەردى. قاتىسۋشىلار كيبەرشابۋىلدار مەن فەيكتەردىڭ تارالۋ سىن-تەگەۋرىندەرى، جاساندى ينتەللەكتتى كۇندەلىكتى قولدانۋ كورسەتكىشىنىڭ ارتۋى، سونداي-اق تەحنيكا سالاسىندا قازاق ءتىلىن دامىتۋ جانە جي-ءدى كاسىبي لەكسيكاعا وقىتۋ ماسەلەلەرىن تالقىلادى. تەحنولوگيا سالاسىندا ساپالى وتاندىق كونتەنت قۇرۋ – تسيفرلىق دەربەستىكتىڭ ماڭىزدى شارتى بولىپ قالا بەرەتىنى ەرەكشە اتاپ ءوتىلدى. 

سۋرەتتى تۇسىرگەن: ءالي عالىم.

Abai.kz

0 پىكىر

ۇزدىك ماتەريالدار

46 - ءسوز

پروفيلاكتيكا بىتوۆوگو ناسيليا

الماز ەششانوۆ 596
قاۋىپ ەتكەننەن ايتامىن

جاۋ جوق دەمە – جار استىندا...

قۋات قايرانباەۆ 9083
46 - ءسوز

كاراعانىڭ كوركەمدىك كوكجيەگى

داۋرەن باقداۋلەتۇلى 639