الەۋمەتتىك جەلىلەر مەن بۇقارالىق اقپارات قۇرالدارىندا تاراعان «سالتانات نۇكەنوۆا ەسىمى جازىلعان تاقتا “ۇلتتىق جادى قابىرعاسى” مەموريالىندا ورنالاسقان» دەگەن اقپارات شىندىققا سايكەس كەلمەيدى.

2020 جىلدان باستاپ قوستاناي وبلىسى امانگەلدى اۋىلىندا مەتسەناتتىڭ باستاماسىمەن كوپفۋنكتسيونالدى تۋريستىك كەشەننىڭ قۇرىلىسى جۇرگىزىلىپ كەلەدى.

بۇگىنگى كۇنى كەشەن اۋماعىندا پيراميدا، «ال-گامبرا» كافەسى، «برازيليا» قوناق ءۇيى، ەيفەل مۇناراسىنىڭ، نيۋ-يوركتەگى «بوستاندىق ءمۇسىنىنىڭ»، مەكسيكاداعى مايا وركەنيەتىنىڭ چيچەن-يتسا پيراميداسىنىڭ كوشىرمەلەرى، بالالارعا ارنالعان سپورت الاڭشالارى جانە وزگە دە نىساندار سالىنعان.

تۋريستىك حاب اۋماعىندا «ۇلتتىق جادى قابىرعاسى» اتتى مەموريالدىق قابىرعا ورنالاسقان. وندا تاريحي تۇلعالاردىڭ ەسىمدەرى جازىلعان 296 ەسكەرتكىش تاقتا ورناتىلعان. اتالعان مەموريالدىق قابىرعا 2024 جىلعى 23 مامىردا مونۋمەنتالدى ونەر نىساندارىن ورناتۋ جونىندەگى رەسپۋبليكالىق كوميسسيامەن كەلىسىلگەن. قازىرگى ۋاقىتتا مەموريالدىق قابىرعا جەرگىلىكتى اتقارۋشى ورگاننىڭ بالانسىنا بەرىلگەن.

سونىمەن قاتار، مەتسەناتتىڭ جەكە باستاماسىمەن تۋريستىك كەشەن اۋماعىنداعى («ۇلتتىق جادى قابىرعاسىنا» قاتىسى جوق) جەكە مەنشىك قايىرىمدىلىق قورىنا تيەسىلى جابىق نىسانداردىڭ بىرىندە تاريحي تۇلعالار مەن وقيعالاردىڭ اتاۋلارى جازىلعان بىرنەشە ونداعان تاقتا ورناتىلعان. سول تاقتالاردىڭ قاتارىندا سالتانات نۇكەنوۆا ەسىمى جازىلعان تاقتا دا بار. تاعى دا اتاپ وتەمىز: بۇل تاقتالار مەتسەناتتىڭ جەكە باستاماسىمەن قويىلعان.

قوستاناي وبلىسىنىڭ امانگەلدى اۋداندىق اكىمدىگى

Abai.kz