BE WOMAN ASIA فورۋمىنىڭ ۇيىمداستىرۋشىلار كوميتەتى رەسمي مالىمدەمە جاسادى، دەپ حابارلايدى turkystan.kz.

فورۋم ۇيىمداستىرۋشىلارى سپيكەردىڭ رەگلامەنتتەن تىس ايتىلعان ءسوزى تۋرالى پىكىر ءبىلدىردى.

«BE WOMAN ASIA — ساياساتتان تىس الاڭ. دوستار، الەۋمەتتىك جەلىدە فورۋم بارىسىندا ايتىلعان جەكەلەگەن پىكىرلەر قىزۋ تالقىلانىپ جاتىر.

سوعان بايلانىستى ناقتى ءبىر سپيكەردىڭ پىكىرى فورۋمنىڭ، ۇيىمداستىرۋشىلاردىڭ ءھام قاتىسۋشىلاردىڭ ۇستانىمىن بىلدىرمەيتىنىن اتاپ وتكىمىز كەلىپ وتىر. BE WOMAN ASIA فورۋمى ساياساتقا ارالاسپايدى.

ءبىزدىڭ مىندەتىمىز — ورتالىق ازيا ايەلدەرىنە داميتىن، ءوزارا ىنتىماقتاساتىن ورتا قۇرۋ.

بيىل فورۋمدا 100 سپيكەر، 50 مەنتور جانە 30 سەرىكتەس بولدى، 2700 ادام قاتىستى.

ءىس-شاراعا قاتىسقان ءار ايەل بيزنەستە، مانساپ جولىندا، جالپى ومىردە پايدالى بولاتىنداي ءبىلىم مەن تاجىريبە جيناسا دەگەن نيەتپەن اۋقىمدى باعدارلاما دايىنداعانبىز.

ءبىز ءار سپيكەرمەن الدىن-الا بريفينگ وتكىزىپ، مىندەتتەمەلەرى جازىلعان رەسمي كەلىسىمشارت جاساسامىز. ول جەردە قازاقستان رەسپۋبليكاسىنىڭ زاڭناماسىن بۇزاتىن نەمەسە فورۋم مەن ونىڭ قاتىسۋشىلارىنىڭ ابىرويىنا نۇقسان كەلتىرەتىن ساياسي جانە وزگە دە مالىمدەمە جاساماۋ كەرەك دەگەن ءبولىم بار.

ەل الدىنا شىعىپ ءسوز سويلەۋدىڭ اسا ۇلكەن جاۋاپكەرشىلىك ەكەنىن ەسكەرە وتىرىپ، ساحناعا شىقپاس بۇرىن سپيكەرگە ەرەجەلەردى ەگجەي-تەگجەيىنە دەيىن ايتىپ تۇسىندىرەمىز. دەگەنمەن فورۋم تىكەلەي ەفيردە وتەتىندىكتەن، وكىنىشكە قاراي، سپيكەردىڭ ءبىر ءسوزى رەگلامەنتتەن تىس ايتىلدى.

الاڭىمىزعا ساياسي تاقىرىپتىڭ كىرىستىرىلگەنىنە قاپالاندىق. بۇل BE WOMAN ASIA قۇندىلىعىنا ءارى جوبانىڭ ميسسياسىنا ساي كەلمەيدى. ءبىز قاراپايىم ءارى ناقتى ەرەجەنى ۇستانامىز: فورۋمدى ساياسيلاندىرۋعا قارسىمىز. ءبىز ءبىر-بىرىنە قۇرمەتپەن قاراۋدى، ءوزارا ىنتىماقتاستىقتى جانە ديالوگتى قولدايمىز.

ۇيىمداستىرۋ كوميتەتى ءتيىستى شارالاردى جاسايدى: مودەراتسيانى كۇشەيتەمىز، رەگلامەنتتىڭ ساقتالۋىن قاتاڭ قاداعالايمىز جانە سپيكەرلەرگە ءتۇسىندىرۋ جۇمىستارىن ارتتىرامىز. جەكە ادامنىڭ ايتقان پىكىرىن بۇكىل قاتىسۋشىعا، كومانداعا جانە فورۋمدى ايماقتىڭ دامۋىنا ۇلەس قوسساق دەگەن شىن نيەتپەن ۇيىمداستىرعان سەرىكتەستەرگە تەلىمەۋلەرىڭىزدى سۇرايمىز. ديالوگقا اشىقپىز. بولىنبەي، بىرىكسەك دەگەن تالپىنىسىمىزدى قولداپ جاتقان ارقايسىڭىزعا العىس ايتامىز.

قۇرمەتپەن، BE WOMAN ASIA ۇيىمداستىرۋ كوميتەتىنىڭ كومانداسى»، — دەلىنگەن جازبادا.

Abai.kz