كونستيتۋتسيامىز "مەملەكەت ءدىن ىسىنە ارالاسپايدى" دەگەن زاڭدى بەكىتىپ بەرگەن. ياعني، ءبىز زايىرلى مەملەكەتپىز.

قر زاڭىندا كامەلەتتىك جاسقا تولماعان بالالاردى دىنگە تارتۋعا تيىم سالىنعانى تۋرالى ايتىلعان.

الايدا، ءدىن وكىلدەرى كونستيتۋتسيانى دا، زاڭداردى دا تىڭدار ەمەس.

ولار مەكتەپتەرگە بارىپ، ورازا مەن نامازدى ناسيحاتتاپ ءجۇر.

قوعامدىق ورىنداردا دا ەش كەدەرگىسىز ءدىندى ناسيحاتتاپ، مەملەكەتتىڭ ەمەس، شاريعات زاڭىمەن ءجۇرۋدى، قوعام ءومىرىن شاريعات بويىنشا "حالال-حارام" دەپ باعالاۋدى، مەملەكەت ازاماتتارىن "مۇسىلمان-كاپىر" دەپ ءدىني بولشەكتەپ، ەل بىرلىگىن شايقاۋدى جالعاستىرۋدا.

وسىنىڭ ءبارى زاڭدى جاۋاپكەرشىلىكتىڭ بولماۋىنان تۋىنداپ جاتىر.

مىسالى، ءبىزدىڭ ەلدە ءدىندى ءدىني ورىنداردان بولەك جەردە ۋاعىزداۋعا بولمايدى دەپ، زاڭعا ەنگىزگەن.
ال ولار ءاربىر قازادا، استا، جيىنداردا تەك ارابي ۋاعىز ايتىپ، ء"ولىم حاق" دەپ، ونى ونسىز دا بىلەتىن ەلدىڭ شىرقىن بۇزىپ ءجۇر...

مەملەكەتتىك مەكەمەلەرگە دە ەنىپ العان...

سوندىقتان، ءبىز دە بالالارىمىزدىڭ ساناسىن ءدىن دوگماسىنان قورعاپ، ولارعا ۇلتتىق مادەنيەتتى جانە ءبىلىمدى، ءومىردىڭ قۇندىلىعىن ۇيرەتۋىمىز كەرەك.

ءبىز بولاشاقتاعى شۇكىرشىل قۇلداردى ەمەس، ەلىنە قالقان بولاتىن ارەكەتشىل ءارى قارىمدى تۇلعالاردى تاربيەلەۋىمىز كەرەك.
بولماسا قالاي ەل بولامىز؟

Abai.kz