شىنى كەرەك، قازىر كىتاپ وقيتىنداردىڭ سانى بۇرىنعىدان ەش كەمىمەپتى.

الەمگە ايگىلى باسپاگەرلەر مەن كىتاپ ىسىنە قاتىسى بار قايراتكەرلەردىڭ باسىن قوسقان فرانكفۋرت حالىقارالىق كىتاپ كورمەسى ءبىزدى ءبىراز ويعا قالدىردى.

سۋرەت: اۆتوردىڭ جەكە قورىنان الىندى.

بۇكىل قالا وسى كۇندەرى كىتاپپەن تىنىستاپ، كىتاپپەن دەم الىپ تۇرعانىن جازباسام تاعى بولماس. 92 مەملەكەتتەن 4300 باسپا وكىلى قاتىسقان بۇل شارانىڭ ءۇنى شارشى الەمگە جەتىپ جاتىر.

سۋرەت: اۆتوردىڭ جەكە قورىنان الىندى.

كورمەنىڭ العاشقى كۇنى قازاقستان ستەندىندە دە ماڭىزدى شارالار ءوتتى. نەمىس جازۋشىسى Anja Tuckermann قاتىسقان جەتى تىلگە اۋدارىلعان «ابايدىڭ قارا سوزدەرى. ۇرپاققا ۇلاعات» كىتابىنىڭ تانىستىرىلىمى ۇلكەن قىزىعۋشىلىق تۋدىردى.

سۋرەت: اۆتوردىڭ جەكە قورىنان الىندى.

سونىمەن بىرگە Almatykitap باسپاسى شىعارعان "شوقان. شىعىستىڭ جارىق جۇلدىزى» اتتى كىتاپتىڭ تانىستىرىلىمى ءوتتى.

سۋرەت: اۆتوردىڭ جەكە قورىنان الىندى.

ال قازاق ادەبيەتىنىڭ كلاسسيكاسى سانالاتىن مىرجاقىپ دۋلاتوۆتىڭ «باقىتسىز جامال» رومانىنىڭ تانىستىرىلىمى ەرەكشە فورماتتا وتكىزىلمەك.

كورمە بارىسىندا كانادا، قىتاي، تۇركيا، ازەربايجان، دانيا، گەرمانيا، سينگاپۋر جانە باسقا ەلدەردىڭ باسپاگەرلەرى قازاقستاندىق ارىپتەستەرىمەن كەزدەسۋ وتكىزىپ، ىنتىماقتاستىقتىڭ جاڭا باعىتتارىن تالقىلادى.

دۇيسەنالى الىماقىن

Abai.kz