2025 جىلدىڭ ەكىنشى توقسانىندا قازاقستانداعى ورتاشا نومينالدى جالاقى 420 مىڭ تەڭگەگە جەتتى. دەگەنمەن كەي وڭىرلەردە بۇل كورسەتكىش ودان دا جوعارى بولسا، باسقا ايماقتاردا كەرىسىنشە تومەن بولىپ تۇر، دەپ حابارلايدى Ranking.kz.

قر ۇلتتىق ستاتيستيكا بيۋروسىنىڭ دەرەكتەرىنە سايكەس، 2025 جىلدىڭ ەكىنشى توقسانىندا نومينالدى ورتاشا جالاقى جىلىنا 9,8%-عا ءوسىپ، 420,9 مىڭ تەڭگەنى قۇرادى. ال العاشقى بەستىككە جوعارى جالاقىسى بار قالالار مەن وبلىستار كىردى.

ەڭ جوعارى جالاقىسى بار وڭىرلەر:

1. ماڭعىستاۋ وبلىسى – 575,1 مىڭ تەڭگە (ورتاشا ەلدىك دەڭگەيدەن 36,6% جوعارى);
2. ۇلىتاۋ وبلىسى – 549,3 مىڭ تەڭگە;
3. اتىراۋ وبلىسى – 544,7 مىڭ تەڭگە;
4. استانا قالاسى – 528,1 مىڭ تەڭگە;
5. الماتى قالاسى – 497,5 مىڭ تەڭگە.

قالعان 15 وڭىردە ورتاشا نومينالدى جالاقى ەلدىك دەڭگەيگە جەتپەدى.

ەڭ تومەن جالاقى تولەنەتىن وبلىستاردىڭ ۇشتىگى:

• شىمكەنت – 315 مىڭ تەڭگە;
• جامبىل جانە تۇركىستان وبلىستارى – 341,8 مىڭ تەڭگە.

ستاتيستيكالىق دەرەكتەرگە سايكەس، 2025 جىلدىڭ ەكىنشى توقسانىندا قازاقستان قالالارىندا جالاقى اۋىلدارعا قاراعاندا ورتاشا ەسەپپەن 23,4%-عا جوعارى بولدى. الايدا بۇل جالپى كورسەتكىش.

كەي وڭىرلەردە قالالار مەن اۋىلدارداعى جالاقى ايتارلىقتاي ەرەكشەلەنەدى.

مىسالى، تۇركىستان وبلىسىندا قالالارداعى نومينالدى جالاقى اۋىلدارعا قاراعاندا 6,7%-عا تومەن. بۇل اگروونەركاسىپ سەكتورىنىڭ بەلسەندى دامۋىنا بايلانىستى. سەبەبى ءىرى شارۋاشىلىقتار نەگىزىنەن اۋىلدىق جەرلەردە ورنالاسقان جانە ەڭبەك نارىعى كورسەتكىشتەرىنە اسەر ەتەدى.

اۋىلداردا ەڭ جوعارى جالاقى تولەنەتىن وڭىرلەر:

• اتىراۋ وبلىسى – 631,6 مىڭ تەڭگە;
• ماڭعىستاۋ وبلىسى – 421,7 مىڭ تەڭگە;
• قاراعاندى وبلىسى – 418,3 مىڭ تەڭگە.

قالالار مەن اۋىلدار اراسىنداعى ايىرماشىلىعى ايتارلىقتاي وڭىرلەر:

• ماڭعىستاۋ وبلىسى: قالالار – 698,4 مىڭ تەڭگە، بۇل اۋىلدارعا قاراعاندا 65,6% جوعارى;
• ۇلىتاۋ وبلىسى – 580,7 مىڭ تەڭگە (44,3% جوعارى);
• باتىس قازاقستان وبلىسى – 36,3% جوعارى;
• شىعىس قازاقستان وبلىسى – 22,5% جوعارى.

Abai.kz