تەرىس ىلىنگەن تۋدىڭ سۋرەتتەرى قالا چاتتارى مەن الەۋمەتتىك جەلىلەردە جىلدام تارادى.  

اتىراۋ تۇرعىندارى مۇنى مەملەكەتتىك رامىزدەرگە قۇرمەتسىزدىك دەپ باعالادى، دەپ جازادى inbusiness.kz cايتى.

كۋاگەرلەردىڭ ايتۋىنشا، قاتەلىك تۇزەتىلگەنشە تۋ تەرىس كۇيدە بىرنەشە ساعات بويى ءىلىنىپ تۇرعان. اتىراۋ قالاسى مەن وبلىسىنىڭ سيمۆولى بوپ سانالاتىن تۋتۇعىر قالا اكىمدىگىنىڭ بالانسىندا. الايدا تۇرعىندار ونىڭ جاعدايىنا ەشكىم باقىلاۋ جاسامايتىنىن ايتىپ وتىر.

الەۋمەتتىك جەلىلەردەگى قىزۋ تالقىلاۋدان كەيىن تۋ الىنىپ تاستالدى.

"17 قازاندا تۋدى كوتەرۋ كەزىندە مەردىگەر ۇيىم قىزمەتكەرلەرى تەحنيكالىق قاتە جىبەرىپ, تۋدى تەرىس ءىلىپ قويعان. بۇزۋشىلىق دەرەۋ انىقتالىپ، تۋ تالاپقا ساي دۇرىس ورنالاستىرىلدى. انىقتالعان قۇقىقبۇزۋشىلىق بويىنشا مەردىگەر ۇيىمنىڭ قىزمەتكەرى قر اكىمشىلىك قۇقىقبۇزۋشىلىق تۋرالى كودەكسىنىڭ 458-بابى ("قر مەملەكەتتىك رامىزدەرىن پايدالانۋ قاعيدالارىن بۇزۋ") بويىنشا اكىمشىلىك جاۋاپكەرشىلىككە تارتىلدى", – دەلىنگەن اتىراۋ قالاسى اكىمدىگىنىڭ تۇسىندىرمەسىندە.

اتالعان باپقا سايكەس، مەملەكەتتىك رامىزدەردى پايدالانۋ ەرەجەسىن بۇزعانى ءۇشىن 50 ايلىق ەسەپتىك كورسەتكىش مولشەرىندە – 184 600 تەڭگە (جەكە تۇلعالارعا) ايىپپۇل قاراستىرىلعان.

Abai.kz