2025 جىلعى 14 قازان كۇنى اباي وبلىسىندا يننوۆاتسيا مەن تۇراقتى دامۋ يدەيالارىن بىرىكتىرگەن «يننوۆاتسيالار. تۇراقتىلىق. بولاشاق» تاقىرىبىندا

حاكاتون جوباسىنىڭ وبلىستىق ىرىكتەۋ كەزەڭى ءوتتى. ءىس-شارانى «اۋىل» پارتياسى اباي وبلىسى بويىنشا وڭىرلىك فيليالى ۇيىمداستىردى.

حاكاتون جوباسىنىڭ ماقساتى – اۋىل شارۋاشىلىعى، ەكولوگيا، جاساندى ينتەللەكت جانە تسيفرلىق تەحنولوگيالار سالاسىندا جاڭا شەشىمدەر ۇسىنۋ، جاستاردىڭ شىعارماشىلىق الەۋەتىن ارتتىرۋ جانە ءوڭىردىڭ يننوۆاتسيالىق دامۋىنا تىڭ سەرپىن بەرۋ.

وڭىرلىك فيليال توراعاسى سماعۇلوۆ قايرات  قاناتۇلى  اشىلۋ سالتاناتىندا ءسوز سويلەپ، جاستاردىڭ بەلسەندىلىگى مەن جاڭاشا كوزقاراسىنىڭ ەل بولاشاعى ءۇشىن اسا ماڭىزدى ەكەنىندە ەسكە سالدى.

ءىس-شارا، سەمەي قالاسىنداعى «جاسStar» كوۆوركينگ ورتالىعىندا ءوتتى. وعان اباي وبلىسىنىڭ جوعارى وقۋ ورىندارى مەن كوللەدجدەرىنەن كەلىپ قاتىسقان 11 كوماندا وزدەرىنىڭ يننوۆاتسيالىق جوبالارىن ۇسىندى.

جاستار اۋىل شارۋاشىلىعىن دامىتۋ، ەكولوگيالىق تۇراقتىلىقتى ارتتىرۋ، تسيفرلىق تەحنولوگيالاردى ەنگىزۋ جانە جاساندى ينتەللەكتتى قولدانۋ باعىتتارىندا شىعارماشىلىق ءوز  جوبالارىن قورعادى.

حاكاتون قاتىسۋشىلارىنىڭ جوبالارىن ءوڭىردىڭ بەدەلدى ساراپشىلارى مەن ماماندارى باعالادى. ناقتىلاپ ايتقاندا:

روللان يبراەۆ – بەلگىلى كاسىپكەر، قازىلار القاسىنىڭ توراعاسى;

ەلدوس مۇحامەتوۆ – فيلوسوفيا دوكتورى (PhD), «شاكارىم ۋنيۆەرسيتەتىنىڭ» اعا وقىتۋشىسى;

دانيار باكيروۆ – «اباي وبلىسى كاسىپكەرلىك جانە يندۋستريالدى-يننوۆاتسيالىق دامۋ باسقارماسى»  باسشىسىنىڭ ورىنباسارى;

ادىلەت سۇگىرباي – «كونسترۋكتورلىق بيۋرو» جەتەكشىسى، Science Professor, (PhD).

باعالاۋ كريتەريلەرى – جوبانىڭ وزەكتىلىگى، يننوۆاتسيالىق شەشىمى، تيىمدىلىگى جانە ىسكە اسىرۋ مۇمكىندىگى تۇرعىسىنان كەڭىنەن قاراستىرىلىپ، سارابدال سارالانىپ، جان-جاقتى وي ەلەگىگەن وتكىزىلدى.

حاكاتون بارىسىندا ءتۇرلى باعىتتاعى تىڭ جوبالار ۇسىنىلعان بولاتىن.

ولاردىڭ قاتارىندا ەكولوگيالىق ءونىم ءوندىرۋ، اۋىل شارۋاشىلىعىنداعى اۆتوماتتاندىرۋ، زاماناۋي ءبىلىم بەرۋ، الەۋمەتتىك پسيحولوگيالىق قولداۋ جانە تسيفرلىق شەشىمدەردى دامىتۋعا باعىتتالعان باستامالار.

ماسەلەنكي، «ورمان شايى – تابيعي انتيوكسيدانت كوزى» جوباسى جەرگىلىكتى وسىمدىكتەردەن ەكولوگيالىق تازا فيتوشاي ءوندىرۋدى كوزدەسە، «SafeGoat»  جوباسى رادياتسيالىق ايماقتارداعى ءسۇت ونىمدەرىنىڭ ساپاسىن باقىلايتىن جۇيە  ۇسىندى.

«QamqorAI» جوباسى جاساندى ينتەللەكت ارقىلى قارجىلىق ساۋاتتىلىقتى ارتتىرۋعا باعىتتالسا، «ReStep» جوباسى وندىرىستىك قالدىقتاردان ەكولوگيالىق تابىشكە  شىعارۋ يدەياسىن ۇسىنىپ باقتى.

سونىمەن قاتار، «AquaGreen»، «YES»، «QazProg»، «MindCare»،    «گيدروپونيكا جانە بيوتەحنولوگيا» – جاڭا مۇمكىندىكتەر، «Aliya – AI مەنتور» ياعني «ALGA» كومانداسى جانە باسقا دا جوبالار اۋىل مەن عىلىمدى، تەحنولوگيا مەن تۇراقتىلىقتى بايلانىستىرۋدىڭ جاڭا ۇلگىلەرى نەگىزىندە قورعادى.

حاكاتون ينتەللەكتۋالدىق سايىسى ناتيجەسىندە قازىلار القاسى  شەشىمىمەن «ۇزدىك» دەپ تانىلعان جوبالار انىقتالدى. ولار:

I ورىن – “Campus Team” – اۋىل شارۋاشىلىعىنا ارنالعان ەكولوگيالىق تازا جەم ءتۇرىن ۇسىنعان يننوۆاتسيالىق جوبا;

II ورىن – “MindCare” – پسيحيكالىق دەنساۋلىقتى قولداۋعا ارنالعان ونلاين-پلاتفورما;

III ورىن – “ALGA” – ستۋدەنتتەرگە ارنالعان “Aliya – AI مەنتور” دەپ اتالاتىن جاساندى ينتەللەكت جوباسى.

“Campus Team” كومانداسى ءوز جوباسىمەن ەرەكشە كوزگە ءتۇسىپ، استانا قالاسىندا وتەتىن رەسپۋبليكالىق كەزەڭگە جولداما الدى.

ماراپاتتاۋ راسىمىندە، بارلىق قاتىسۋشىلارعا سەرتيفيكاتتار، ال جەڭىمپاز اتانعان كوماندالار ارنايى ديپلومدارمەن ماراپاتتالدى.

ينتەلەكتۋالدىق جوبا قورعاۋ سايىس قورىتىسىندا، قاتىسۋشىلار مەن  ۇيىمداستىرۋشىلار ەستەلىك سۋرەتكە ءتۇسىپ، جاڭا يدەيالار مەن بىرلەسكەن جوبالار توڭىرەگىندە پىكىر الماستى.

قاتىسۋشىلاردىڭ ايتۋىنشا، حاكاتون – تاجىريبە الماسۋعا، جاڭا بايلانىستار ورناتۋعا جانە يننوۆاتسيالىق ويلاۋ قابىلەتىن دامىتۋعا ۇلكەن مۇمكىندىك بەرگەن ءىس-شارا ساناتىندا قازىرگى زامانعا ساي  جاڭاشىل باستامالار ورداسى.

اتالعان ءار عىلىم سالاسىنداعى تاقىرىپتى قامتىعان جوبالار ەلىمىزدىڭ عىلىمي جانە شىعارماشىلىق الەۋەتىن ارتتىرىپ قانا قويماي، اۋىلدىق ايماقتاردىڭ تۇراقتى دامۋىنا باعىتتالعان ناقتىلى  شەشىمدەر ۇسىنۋعا مۇمكىندىك بەرمەك.

«يننوۆاتسيالار. تۇراقتىلىق. بولاشاق» حاكاتونى – اباي وبلىسى جاستارىنىڭ جاڭا بۋىن وكىلدەرىنىڭ باسىن ءبىر ارنادا قوسىپ، اۋىل مەن يننوۆاتسيانى ۇشتاستىرعان ماڭىزدى باستامالىق جوبا.

Abai.kz