رەسەي ۋكراينانى بىردەن جەڭە المايدى. ونىڭ بىرنەشە سەبەبى بار. بۇل تۋرالى «La Stampa» امەريكا بارلاۋىنىڭ جوعارى لاۋازىمدى ەكى تۇلعاسى تاراتقان دەرەككوزگە سىلتەمە جاساي وتىرىپ جازادى.

رەسەيدىڭ ءتورت ءالسىز تۇسى بار. دەرەككوزدەردىڭ ايتۋىنشا، اقش پرەزيدەنتى دونالد ترامپ بۇل تۋرالى اسا جاقسى بىلەدى.

باسىلىم سۇحباتتاسۋشىلارىنىڭ ايتۋىنشا، رەسەيدىڭ ءالسىز تۇستارى:

*رەزەرۆشىلەردى جاپپاي تارتۋ،

*ەلدەگى كۇردەلى ەكونوميكالىق جاعداي،

*ۋكراينانىڭ تەحنولوگيالىق جانە اسكەري مۇمكىندىكتەرى،

*ۋكرايناداعى رەسەيلىك اسكەريلەردىڭ باياۋ جىلجۋى.

دەرەككوزدەر 2025 جىلدىڭ ءبىرىنشى توقسانىندا رەسەيدە 90 000 ادام جۇمىسقا الىنعانىن، سودان كەيىن بۇل كورسەتكىش تومەندەگەنىن ايتتى. 2025 جىلى كرەمل 292 000 ازاماتتىق رەزەرۆشىنى جۇمىسقا الدى.

دەرەككوزدەردىڭ ايتۋىنشا، رەسەيدىڭ ەكونوميكالىق پروبلەمالارى دا ەلەۋلى بولىپ تابىلادى. حالىقارالىق ۆاليۋتا قورى رەسەي ەكونوميكاسىنىڭ ءوسىمىن 0,6% دەپ باعالادى، بۇل 2024 جىلى 4% -دان ەداۋىر تومەن، ال مۇناي مەن گاز ەكسپورتىنان تۇسەتىن كىرىستەردىڭ قىسقارۋى كرەملدىڭ جاعدايىن ودان ءارى ناشارلاتادى.

«ونىڭ ۇستىنە، رەسەي پرەزيدەنتى ۆلاديمير پۋتين رەسەيدىڭ ۋكراينانى سەنىمدى تۇردە جەڭەتىنىنە سەنەدى، بىراق ءىس جۇزىندە ماسكەۋ ءۇشىن ءبارى الدەقايدا اۋىر»، - دەپ جازادى باسىلىم.

دەرەككوزدەردىڭ ايتۋىنشا، رەسەيلىكتەر ۇنەمى قىراۋار تەحنيكاسىنان ايرىلىپ، وراسان زور شىعىنعا ۇشىراۋدا.

«La Stampa» باسىلىمىنىڭ جازۋىنشا رەسەيدىڭ شىنىمەن دە «شاحەد» ۇلگىسىندەگى سوققى بەرەتىن درونداردىڭ ءولىم سەبۋ قۋاتتىن الاپ دارەجەگە جەتكىزە العانىن الەم مويىندادى. دەگەنمەن، ۋكراينا دا ءبىر ورىندا تىپىرلاپ قالماي، دروندار وندىرىسىندە ۇلكەن جەتىستىكتەرگە جەتە الدى.

جۋرناليستەر ۋكراينا ۇۇا وندىرىستىك قۋاتىن 1,5 ملن-نان 3 ملن بىرلىككە دەيىن ەكى ەسە ارتتىرعانىن ەسكە سالادى. بۇدان باسقا، باسىلىم ۋكراينا «فلامينگو» زىمىراندارىن شىعارا باستادى، ول ۋكراينالىق اسكەريلەرگە رف ىشىنە سوققى بەرۋگە مۇمكىندىك بەرەدى دەپ جازادى.

Abai.kz