قازاقستان فۋتبول فەدەراتسياسى (قفف) العاش قۇرىلعان 1992 جىلدان باستاپ فيفا مەن ازيا فۋتبول كونفەدەراتسياسىنىڭ (افك) قاتارلى حالىقارالىق ۇيىمدارعا مۇشە بولدى.

سونىمەن بىرگە 1992 جىلى فەدەراتسيا فۋتبولدان ۇلتتىق ليگا چەمپيوناتى مەن قازاقستان كۋبوگى سياقتى كاسىبي دەڭگەيدەگى ءتۇرلى جارىستاردى وتكىزدى. 1994 جىلدىڭ ساۋىرىندە ورتاازيالىق وزبەكستان، قىرعىزستان، تاجىكستان، تۇرىكمەنستان ەلدەرىمەن بىرگە وڭىرلىك جارىستارعا قاتىستى.2000 جىلى قفف ۋەفا-نىڭ كانديداتى بولدى جانە 2002 جىلعى 25 ساۋىردە شۆەتسيانىڭ ستوكگولم قالاسىندا وتكەن ۋەفا كونگرەسىندە ونىڭ تولىق مۇشەلىگىنە يە بولدى.

سودان بەرى شيرەك عاسىرعا جۋىق ۋاقىت ءوتتى. قازاق فۋتبولى اقىرىنداپ دامىپ كەلەدى. مەملەكەتتىك كوماندانىڭ ايتارلىقتاي ناتيجەسى بولماعانىمەن جەكە كوماندالار بىرتىندەپ الەمدىك ارەنادا ويىن كورسەتۋ دەڭگەيىنە دەيىن جەتتى. ونىڭ ناقتى كورىنىسى رەتىندە قايراتتىڭ ەۋروپا چكمپيوندار ليعاسىندا ونەر كورسەتۋ دارەجەسىنە جەتكەنىن ەرەكشە اتاپ وتۋگە بولادى.

ايتسا ايتقانداي قايراتتىڭ جاڭا بەلەسى قازاق فۋتبولىنا جاڭا سەرپىن اكەلدى. كاسىپتىك باسقارۋ جاعىناندا باسقا كوماندالارعا ۇلگى بولدى. جوعارى مىنبەرلەردەن قايراتتىڭ باسقارۋ تاجىريبەسىن وزگە كوماندالارعا قولدانۋ ءاوپ ءسوز بولدى.

2022 جىلدان باستاپ ۇيىم مەملەكەتتىك جانە كۆازيمەملەكەتتىك قۇرىلىمداردان قارجىلاي قولداۋدان باس تارتاتىنىن حابارلاعانى بەلگىلى. سودان باستاپ فەدەراتسيانىڭ جۇمىسى ۋەفا ۇيىمىنىڭ قاراجاتى جانە دەمەۋشىلىك قارجى ەسەبىنەن قارجىلاندىرىلاتىن بولدى.

وسىنىڭ ءبارى قازاق فۋتبولىنىڭ دامۋىنا سەرپىن بەرگەنى انىق. بۇدان كەيىندە قايرات سياقتى وزگە كوماندالاردى دا ولليگارحتارعا باسقارۋعا بەرۋ تالقىلانىپ جاتقانى قۋانتادى. بيزنەس پەن سپورت بىرىككەندە عانا جاڭا تابىستارعا، جاڭا ناتيجەلەرگە جول اشاتىنى انىق.

Abai.kz