بيىل ەلىمىزدە ەرتە جەڭىلدەتىلگەن كرەديت بەرۋ باعدارلاماسى اياسىندا قارجىلاندىرۋ كولەمى العاش رەت 1 ترلن تەڭگەگە جەتكەنى ءمالىم بولدى.

بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ايداربەك ساپاروۆ مالىمدەدى.

ءمينيستردىڭ ايتۋىنشا، ەرتە قارجىلاندىرۋ مەن جەڭىلدەتىلگەن نەسيە بەرۋ تەتىكتەرى ايتارلىقتاي اسەر ەتتى.

«بيىل ەرتە جەڭىلدەتىلگەن نەسيەلەۋ باعدارلاماسى اياسىندا قارجىلاندىرۋ كولەمى العاش رەت 1 ترلن تەڭگەگە جەتتى. بۇل اۋىل شارۋاشىلىعى تاۋار وندىرۋشىلەرىنە ەگىس ناۋقانىن دەر كەزىندە وتكىزىپ، زاماناۋي تەحنولوگيالاردى ەنگىزۋگە مۇمكىندىك بەردى», - دەدى ساپاروۆ.

وسىمدىك ءوسىرۋ ماۋسىمىنىڭ قورىتىندىسى بويىنشا 1,8 ملن توننا مينەرالدى تىڭايتقىش ەنگىزىلگەن، بۇل عىلىمي نەگىزدەلگەن قاجەتتىلىكتىڭ 56 پايىزىن قۇرايدى. ەليتالىق تۇقىم ۇلەسى 9,5 پايىزدان 11,5 پايىزعا ءوستى.

ەرتە قارجىلاندىرۋ باعدارلاماسى كەلەسى جىلى دا جالعاسادى: 1 قازاننان باستاپ 2026 جىلعى كوكتەمگى ەگىس جۇمىستارىنا ءوتىنىم قابىلداۋ باستالدى، ال قاراشانىڭ ەكىنشى ونكۇندىگىندە رەۆولۆەرلىك نەسيەلەۋ تەتىگى ىسكە قوسىلادى. بۇل جۇيە فەرمەرلەرگە جىل سايىن ءبىر عانا كەپىلمەن نەسيە الۋعا مۇمكىندىك بەرەدى.

«بۇل فەرمەرلەرگە قولداۋ كورسەتۋدىڭ تۇراقتى جۇيەسىن قالىپتاستىرادى، ماۋسىمدىق قارجىلاندىرۋعا تاۋەلدىلىكتى ازايتادى جانە جۇمىستاردى الدىن الا جوسپارلاۋعا جول اشادى», - دەپ اتاپ ءوتتى مينيستر.

Abai.kz