الماتىدا قالالىق پوليتسيا دەپارتامەنتىنىڭ مەنشىگىندە بولعان 40-تان استام اۆتوكولىك ساۋداعا شىعارىلدى. 

ەلەكتروندىق ساۋدا-ساتتىق پورتالىندا كورسەتىلگەن مالىمەتتەرگە سايكەس, ساتۋشى تاراپ — مەملەكەتتىك اكتيۆتەر باسقارماسى، ال بالانس ۇستاۋشى — قالالىق پوليتسيا دەپارتامەنتى. اۋكتسيونعا قويىلعان كولىكتەرىنىڭ اراسىندا Peugeot, Kia, Hyundai, Mitsubishi, Lada جانە SsangYong ماركالارى بار.

تىزىمدە بارلىعى 41 اۆتوكولىك ۇسىنىلعان. ونىڭ ىشىندە ەڭ كوپ كەزدەسەتىنى — Peugeot 301, بارلىعى 17 ماشينا ساۋداعا شىعارىلعان. لوتتار اراسىندا — 13 Kia Cerato, 4 Mitsubishi Lancer, 3 Lada-21214, 2 Hyundai Elantra جانە 2 SsangYong Actyon Sports بار.

ساتۋ تۋرالى حابارلاندىرۋلاردا جاريالانعان فوتوسۋرەتتەرگە قاراعاندا اۆتوكولىكتەردىڭ ەداۋىر بولىگى اپاتتىق نەمەسە بۇزىلعان كۇيدە.

ولاردىڭ جاعدايىنا قاراپ كولىكتەردىڭ ءبىر بولىگى بۇرىن جول-كولىك وقيعاسىنا ۇشىرعانىن بولجاۋعا بولادى.

ساۋداعا قويىلعان Peugeot 301 كولىكتەرىنىڭ باستاپقى قۇنى 2,1-2,9 ملن تەڭگەگە ارالىعىندا بەلگىلەنگەن. 2017 جىلى شىعارىلعان Lada-21214 كولىكتەرى 2 ملن تەڭگە شاماسىندا ساۋداعا قويىلعان.

ال Mitsubishi Lancer كولىكتەرىنىڭ باعاسى 2,65 ملن تەڭگەدەن باستالىپ، 4,1 ملن تەڭگەگە دەيىن جەتەدى.

2017 جىلعى ەكى Hyundai Elantra شامامەن 5,8–5,95 ملن تەڭگەگە ساتىلىمعا قويىلعان.

اتالعان لوتتاردىڭ ىشىندەگى ەڭ جوعارى باعا — Kia Cerato اۆتوكولىگىنە تيەسىلى. ولاردىڭ اۋكتسيونى 6,8 ملن مەن 8,1 ملن تەڭگە ارالىعىندا باستالادى.

ساتىلىمعا شىعارىلعان اۆتوكولىكتەردىڭ ءبىر بولىگى بويىنشا ساۋدا 2026 جىلدىڭ 12 تامىزىندا باستالۋى ءتيىس.

Abai.kz