ۋكراينا مەن رەسەي اراسىنداعى بەيبىت كەلىسسوزدەر توقتاتىلدى. بۇل تۋرالى ۋكراينا سىرتقى ىستەر ءمينيسترىنىڭ ورىنباسارى سەرگەي كيسليتسا The Times گازەتىنە بەرگەن سۇحباتىندا ايتتى.

شەشىمگە كەلىسسوزدەردىڭ ايتارلىقتاي ناتيجە بەرمەۋى سەبەپ بولعان.

كيسليتسا رەسەيلىك دەلەگاتسيامەن مازمۇندى تالقىلاۋ جۇرگىزۋ مۇمكىن بولماعانىن اتاپ ءوتتى.

«ديكتاتۋرا جاعدايىندا ديكتاتور اتىنان كەلگەن كەلىسسوز توپتارىمەن مازمۇندى ديالوگ جۇرگىزۋ مۇمكىن ەمەس. ولار ءبىزدىڭ ارقايسىمىزدىڭ وتكەنىمىزدى وتە جاقسى زەرتتەپ كەلەتىن. كەلىسسوز بارىسىندا ادەيى ارانداتاتىن نەمەسە جاعىمسىز سوزدەر ايتىا وتىراتىن»،-دەدى سىرتقى ىستەر ءمينيسترىنىڭ ورىنباسارى.

ونىڭ پىكىرىنشە، رەسەي تارابى وسىلاي ۋكراين دەلەگاتتارىن اشۋلاندىرىپ، كەيىن كەلىسسوزدىڭ ۇزىلۋىنە ولاردى كىنالەۋدى كوزدەگەن.

«ولار قانداي دا ءبىر اتىستى توقتاتۋ نۇسقاسىن تالقىلاۋدان ءۇزىلدى-كەسىلدى باس تارتتى.  رەسەي دەلەگاتسياسى كەلىسكەن جالعىز ءبىتىم – قازا تاپقانداردىڭ دەنەلەرىن ەۆاكۋاتسيالاۋ ءۇشىن ەكى ساعاتتىق اتىستى توقتاتۋ بولدى»،–دەپ تولىقتىردى كيسليتسا.

ەسكە سالايىق، رەسەي مەن ۋكراينا ىستانبۇلدا ءۇش رەت تىكەلەي كەلىسسوز وتكىزگەن ەدى.

Abai.kz