قازاقستان رەسپۋبليكاسىنىڭ قورعانىس ءمينيسترى اۆياتسيا گەنەرال-لەيتەنانتى داۋرەن قوسانوۆ تۇركيا رەسپۋبليكاسىنا رەسمي ساپارمەن بارىپ، بىرقاتار كەزدەسۋلەر وتكىزدى. مينيستر اسكەري وبەكتىلەردى، وقۋ مەكەمەلەرىن جانە قورعانىس-ونەركاسىپ كەشەنىنىڭ كاسىپورىندارىن ارالادى.

ساپار «انىتقابىر» مەموريالدىق كەشەنىندەگى مۇستافا كەمال اتاتۇرىك ەسكەرتكىشىنە گۇل شوقتارىن قويۋ راسىمىنەن باستالدى.

وسىدان كەيىن قازاقستان قورعانىس ۆەدومستۆوسىنىڭ باسشىسى مەن تۇركيانىڭ ۇلتتىق قورعانىس ءمينيسترى ياشار گۇلەر اراسىندا كەلىسسوزدەر ءوتتى. تاراپتار ءوزارا مۇددەلى سالالارداعى ەكىجاقتى ىنتىماقتاستىقتىڭ قازىرگى احۋالى مەن دامۋ پەرسپەكتيۆالارىن تالقىلادى.

بۇدان وزگە، تۇركيا قارۋلى كۇشتەرى باس شتابىنىڭ باستىعىمەن دە كەزدەسۋ ءوتتى.

ەكى ەلدىڭ قورعانىس ۆەدومستۆولارى اراسىنداعى اسكەري عىلىم، ءبىلىم، جاۋىنگەرلىك دايارلىق جانە اسكەري-تەحنيكالىق سالاداعى ءوزارا ءىس-قيمىل اسكەري ىنتىماقتاستىق تۋرالى ەكىجاقتى كەلىسىم نەگىزىندە جۇزەگە اسىرىلىپ كەلەدى.

Abai.kz