ۇلتتىق بانك ينفلياتسيانىڭ 2025 جانە 2026 جىلدارعا ارنالعان بولجامىن قايتا قارادى.

2025 جىلى ينفلياتسيا 12,0-13,0%، 2026 جىلى 9,5-12,5% شەگىندە كۇتىلەدى. 2027 جىلدىڭ قورىتىندىسى بويىنشا ول 5,5-7,5%-عا دەيىن باياۋلايدى دەپ كۇتىلەدى. بولجامدى تۇزەتۋ بيىلعى ينفلياتسيانىڭ ءىس جۇزىندەگى ءمانى بولجامدى ماندەردەن ەداۋىر اسىپ كەتۋىنە جانە ينفلياتسيالىق كۇتۋلەردىڭ جوعارى ديناميكاسىنا نەگىزدەلەدى، - دەلىنگەن ۇلتتىق بانك مالىمدەمەسىندە.

ۇلتتىق بانك 2026-2027 جىلدارى “ينفلياتسيا + 5%” سحەماسى بويىنشا رەفورما قارقىنىن قايتا قاراۋ اياسىندا باعالاردىڭ وسەتىنىن ەسكەردى.

2026 جىلعا ارنالعان ينفلياتسيا بولجامى ناقتى ءبىر سان ەمەس، كەڭ دياپازون بولىپ بەرىلگەن. مىسالى: 9,5–12,5%. بۇل – بولاشاقتاعى جاعدايدى ءدال بولجاۋ قيىن ەكەنىن بىلدىرەدى.

بولجام تاۋەكەلدەرى ىشكى سۇرانىس پەن ۇسىنىس مۇمكىندىكتەرى اراسىنداعى تەڭگەرىمسىزدىكتىڭ كۇشەيۋىمەن، سىرتقى ينفلياتسيانىڭ جانە ينفلياتسيالىق كۇتۋلەردىڭ جەدەلدەۋىمەن، سونداي-اق رەتتەلەتىن باعالاردىڭ، ججم مەن ققس ارتۋىنان بولاتىن قايتالاما اسەرمەن بايلانىستى، - دەلىنگەن ۇلتتىق بانك مالىمدەمەسىندە.

نەگىزگى بەلگىسىزدىك فاكتورلارىنىڭ ءبىرى – ەكونوميكانى قارجىلاندىرۋدى «بايتەرەك» ۇبح اق» ارقىلى ۇلعايتۋ ىقپالى. ۇكىمەتتىڭ مالىمەتى بويىنشا، ونىڭ كولەمى 2026 جىلى 8 ترلن تەڭگەگە، ياعني ءجىو-ءنىڭ 4,4%-نا جەتۋى مۇمكىن. مۇنداي قىسىم ينفلياتسيالىق قىسىمدى كۇشەيتىپ، الداعى فيسكالدىق شوعىرلاندىرۋ اسەرىن ءىشىنارا رەتتەۋى مۇمكىن.

بۇعان دەيىن ۇلتتىق بانك الەمدە ازىق-تۇلىك باعاسى قىمبات بولعاندىقتان، يمپورت ارقىلى قازاقستانعا اسەر ەتىپ تۇرعانىن مالىمدەدى.

Abai.kz