ەلىمىزدە اۋە جۇك تاسىمالداۋمەن اينالىساتىن KTZ Air Cargo دەپ اتالاتىن جاڭا كومپانيا پايدا بولدى.   

ونىڭ قۇرىلتايشىسى – "قازاقستان تەمىر جولىنىڭ" ەنشىلەس كومپانياسى KTZ Express.

اۋە كومپانياسى 2025 جىلدىڭ قازان ايىندا استانادا تىركەلدى. ۇيىمدىق-قۇقىقتىق نىسانى – اكتسيونەرلىك قوعام (اق), جارعىلىق كاپيتالى – 196,6 ملن تەڭگە. ءبىر اكتسياسىنىڭ نومينالدى قۇنى 1,966 ملن تەڭگە بولاتىن 100 جاي اكتسيا شىعارىلعان. ولار قۇندى قاعازدار ورتالىق دەپوزيتاريىنىڭ ەسەپ جۇيەسىنە 2025 جىلدىڭ 26 قاراشاسىندا ەنگىزىلدى جانە ولاردى جالعىز اكتسيونەر تولەدى.جاڭا كومپانيانىڭ ەكونوميكالىق قىزمەت تۇرلەرىنىڭ جالپى جىكتەۋىشى بويىنشا "كەستەگە باعىناتىن جۇك اۋە كولىگىنىڭ قىزمەتى" كورسەتىلگەن.اۋە كومپانياسىنىڭ قۇرىلتايشىسى – KTZ Express – كولىكتىك-لوگيستيكالىق قىزمەتتەرمەن اينالىسادى.جالپى، الەمدىك اۋە جۇك تاسىمالىنىڭ 15%-ى قازاقستاننىڭ ۇستىنەن وتەدى. بۇگىنگى تاڭدا ونداعى كولەم 57,7 ملن توننانى قۇرايدى.

Abai.kz