كەز-كەلگەن مەملەكەتتىڭ ەكونوميكالىق دامۋىنىڭ نەگىزگى تىرەگى – كاسىپكەرلىك، سونىڭ ىشىندە شاعىن جانە ورتا بيزنەس ەكەندىگى بەلگىلى. ال كاسىپكەرلىكتىڭ دامۋىنا جاعداي جاساۋ – ەڭبەكپەن قامتۋ، ىشكى نارىقتى وتاندىق تاۋارمەن قامتاماسىز ەتۋ جانە باسەكەلەستىك ورتانى قالىپتاستىرۋ سەكىلدى ماسەلەلەردىڭ شەشىمىن تابۋ دەگەن ءسوز!

وزگەلەرگە كوز سالساق: دامىعان ەلدەردىڭ ەكونوميكالىق كورسەتكىشىنىڭ 60-70% شاعىن جانە ورتا كاسىپكەرلىك سۋبەكتىلەرىنىڭ دامۋ دەڭگەيىمەن ولشەنەدى ەكەن.

بۇگىنگە ەلىمىزدە بيزنەستi قولداۋعا باعىتتالعان كوپتەگەن باعدارلاما بار. بiراق بۇل جونiندە كوپشiلiك بiلە بەرمەيدi.

بۇگىن مەملەكەت باسشىسى قاسىم-جومارت توقاەۆ «التىن ساپا» جانە «پارىز» سىيلىعىنىڭ لاۋرەاتتارىن، «قازاقستاننىڭ ۇزدىك تاۋارى» رەسپۋبليكالىق كورمە-كونكۋرسىنىڭ جەڭىمپازدارىن ماراپاتتاۋ راسىمىندە ءسوز سويلەدى...

ءوز سوزىندە پرەزيدەنت: «باسەكەگە قابىلەتتى بيزنەس – كەز كەلگەن مەملەكەتتىڭ تىرەگى. بيىل قازاقستان ەكونوميكاسىنىڭ ءوسىمى 6 پايىزدان اسادى دەپ بولجانۋدا. بۇل – سوڭعى ون جىلداعى ەڭ جوعارى كورسەتكىش. ەلىمىزدىڭ ىشكى جالپى ءونىمى العاش رەت 300 ميلليارد دوللاردان اسپاق. وزدەرىڭىز بىلەسىزدەر، قازىر ءبىز ينفراقۇرىلىمدى دامىتۋعا، ەكونوميكانى ارتاراپتاندىرۋعا باسا ءمان بەرىپ جاتىرمىز. سوندىقتان ۇكىمەت دايىن ءونىم ەكسپورتىن ارتتىرۋ ىسىمەن بەلسەندى تۇردە اينالىسۋى قاجەت. قازىرگى تاڭدا بۇل سالادا ءبىراز جەتىستىكتەرىمىز بار»، - دەدى.

ساندەرەكتەرگە كوز جۇگىرتسەك، ەلىمىزدە شيكىزاتتىق ەمەس ەكسپورت كولەمى 2 ەسەگە جۋىق ۇلعايعان. ال وڭدەۋ ونەركاسىبىندەگى قوسىمشا قۇن كولەمى بەس جىلدا 25 پايىزدان استام وسكەن. بۇل – تاۋ-كەن سالاسىنان ەداۋىر جوعارى كورسەتكىش. سوڭعى جىلدارى نەگىزگى كاپيتالعا تارتىلعان ينۆەستيتسيا 70 پايىزعا كوبەيدى. ناقتى سەكتورداعى ەڭبەك ونىمدىلىگى 40 پايىزعا ارتقان. سونىڭ ارقاسىندا بۇگىندە ونىمدەرىمىز 140 مەملەكەتكە شىعارىلادى. وسى ورايدا، شاعىن جانە ورتا بيزنەستىڭ ءرولى ايرىقشا ەكەنى ءسوزسىز. جالپى، ەلىمىزدەگى كاسىپكەرلىكتىڭ دامۋ قارقىنى – بەلسەندى، بۇگىندە ولاردىڭ ەكونوميكاداعى ۇلەسى 40 پايىزعا جەتتى. ەلىمىزدە جۇمىس ىستەيتىن ازاماتتاردىڭ جارتىسىنا جۋىعى، ياعني 4,5 ميلليون ادام بيزنەس سالاسىندا ەڭبەك ەتەدى.

قاسىم-جومارت توقاەۆ شاعىن جانە ورتا بيزنەستى دامىتۋعا ايرىقشا ءمان بەرەتىنىن ايتتى.

«مەن مەملەكەت باسشىسى رەتىندە شاعىن جانە ورتا بيزنەستى دامىتۋعا ايرىقشا ءمان بەرىپ وتىرمىن، نەگىزگى ماسەلەنىڭ ءبارى دە مەنىڭ جەكە باقىلاۋىمدا. ۇكىمەت كاسىپكەرلىكتى جانداندىرۋ ءۇشىن اۋقىمدى جۇمىس ىستەپ جاتىر، كەدەرگىلەردى جويۋ ءۇشىن ناقتى شارالار قولدانۋدا. مەملەكەت تاراپىنان ءتيىستى قولداۋ كورسەتە وتىرىپ، كاسىپكەرلەرىمىزدىڭ ءوز ىستەرىن كەڭەيتىپ، جاڭا دەڭگەيگە شىعۋىنا سەرپىن بەرگەن ءجون. مۇنى كاسىپكەرلىكتى دامىتۋ ساياساتىنىڭ ماڭىزدى شارتى دەپ ايتساق، ارتىق بولمايدى»، - دەدى توقاەۆ.

Abai.kz