ءبىرىنشى كەزەڭدە جۇيەگە قولدانىستاعى يندۋستريالىق سەرتيفيكاتتارى بار كومپانيالاردى قوسۋ جوسپارلانۋدا.

وسى ماقساتتا قازاقستان رەسپۋبليكاسى ونەركاسىپ جانە قۇرىلىس مينيسترلىگى، قازاقستان رەسپۋبليكاسى قارجى مينيسترلىگى جانە «اتامەكەن» ۇلتتىق كاسىپكەرلەر پالاتاسى يندۋستريالىق سەرتيفيكات يەلەرىن قازاقستاندىق تاۋار وندىرۋشىلەر تىزىلىمىنە ەنگىزۋ جونىندەگى جول كارتاسىنا قول قويدى.

قولدانىستاعى يندۋستريالىق سەرتيفيكاتتارى بار كاسىپورىندار «اتامەكەن» ۇكپ ۇسىنعان دەرەكتەر نەگىزىندە تەحنيكالىق وپەراتور – «ەلەكتروندىق قارجى ورتالىعى» اق ارقىلى تىزىلىمگە ەنگىزىلەدى.

كومپانيالار ءوز مارتەبەسىن راسىمدەۋ ءۇشىن 2026 جىلعى 30 قاڭتارعا دەيىن جۇيەدە قاجەتتى مالىمەتتەردى تولتىرىپ، ءوتىنىم بەرۋ جانە تسيفرلىق تەكسەرۋدەن ءوتۋ قاجەت. بۇل تالاپتار ورىندالماعان جاعدايدا كاسىپورىن تىزىلىمنەن شىعارىلادى.

مارتەبەنى ساقتاۋ ءۇشىن نەگىزگى شارت – ناقتى وندىرىستىك قىزمەتتىڭ راستالۋى بولىپ تابىلادى.

سونىمەن قاتار، وزگە كومپانيالار دا ءوتىنىم بەرۋ ارقىلى، قاجەتتى تەحنولوگيالىق وپەراتسيالاردىڭ ورىندالۋىن راستاي العان جاعدايدا تىزىلىمگە ەنگىزىلە الادى.

Abai.kz