ءايەلدەر تەننيسى قاۋىمداستىعى (WTA) جاڭارتىلعان رەيتينگىنى جاريا ەتتى.

قازاقستاننىڭ ءبىرىنشى راكەتكاسى ەلەنا رىباكينا 5-ورنىن ساقتاپ قالدى.

قازاقستاندىق تەننيسشى ەرتەڭ اۋستراليا اشىق چەمپيوناتىنداعى العاشقى كەزدەسۋىن الەمدىك رەيتينگىدە 100-ورىندا تۇرعان سلوۆەنيالىق كايا يۋۆانمەن وتكىزەدى. 

يۋليا پۋتينتسەۆا 105-تەن 94-ساتىعا كوتەرىلدى. اۋستراليا بىرىنشىلىگىن ءساتتى باستاعان يۋ.پۋتينتسەۆا ەكىنشى اينالىمدا الەمنىڭ 60-راكەتكاسى، فرانتسيالىق ەلزا جاكومومەن وينايدى.

قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا بۇرىنعىشا 14-ورىندا تۇر.

كاسىبي تەننيسشىلەر قاۋىمداستىعىنىڭ (ATP) رەيتينگىسىندە الەكساندر بۋبليك 10-ساتىدا قالدى. الەكساندر شەۆچەنكو 104-تەن 97-گە شىعىپ، پۋتينتسەۆا سياقتى توپ-100-گە قايتا كىردى.

تيموفەي سكاتوۆ 183 (+12), بەيبىت جۇقاەۆ 261 (+4), وتكەن اپتادا گلازگو ءتۋرنيرىنىڭ فينالىنا دەيىن جەتكەن ميحايل كۋكۋشكين 262 (+31), دەنيس ەۆسەەۆ 367-ورىنعا (+12) اۋىستى.

تاعى ءبىر قازاقستاندىق زارينا دياس بۇگىن اۋستراليا اشىق چەمپيوناتىنىڭ العاشقى اينالىمىندا الەمنىڭ 26-راكەتكاسى، يسپانيالىق پاۋلا بادوسامەن بەتپە-بەت كەلدى. زارينا بارىن سالعانىمەن، ازۋلى قارسىلاسىنان وتە المادى — 2:6, 4:6.

ز.دياس الەمدىك رەيتينگىدە 285-تەن 290-عا تومەندەگەن ەدى. دەگەنمەن قازىرگى ساتتە WTA Live رەيتينگىسىندە قايتادان 276-ورىنعا شىعىپ تۇر.

سونداي-اق الەكساندر شەۆچەنكو اۋستراليا اشىق چەمپيوناتىنىڭ ەكىنشى اينالىمىنا شىقتى.

Abai.kz