قمگ باسشىسى مەن تۇركيانىڭ ەنەرگەتيكا ءمينيسترى ەكى ەلدىڭ مۇناي-گاز سالاسىنداعى ىنتىماقتاستىقتى نىعايتۋ ماسەلەلەرىن تالقىلادى.

«قازمۇنايگاز» ۇك اق باسقارما توراعاسى اسحات حاسەنوۆ انكارا قالاسىندا تۇركيانىڭ ەنەرگەتيكا جانە تابيعي رەسۋرستار ءمينيسترى الپارسلان بايراكتارمەن كەزدەستى.

كەزدەسۋ بارىسىندا قازمۇنايگاز بەن تۇركيانىڭ ەنەرگەتيكا سالاسىنداعى كومپانيالارى اراسىنداعى ءوزارا ءىس-قيمىلدى كەڭەيتۋ مۇمكىندىكتەرى تالقىلاندى. اتاپ ايتقاندا، قمگ مەن تۇرىك مەملەكەتتىك «Turkish Petroleum Corporation» (TPAO) كورپوراتسياسى ەكى ەلدىڭ اۋماعىنداعى پەرسپەكتيۆتى گەولوگيالىق بارلاۋ جوبالارىن زەردەلەۋ باعىتىندا جان-جاقتى جۇمىس جۇرگىزدى. بۇگىندە بۇل بىرلەسكەن باستامالاردى ناقتى ىسكە اسىرۋعا قادام جاسالۋدا.

قمگ باسشىسى تۇركيانىڭ ەنەرگەتيكا مينيسترلىگىنە سىندارلى ءارى مازمۇندى ديالوگ ءۇشىن العىس ءبىلدىردى. ا.حاسەنوۆ تۇرىك سەرىكتەستەرىمەن ءوزارا ءىس-قيمىلدى كەڭەيتۋ گەولوگيالىق بارلاۋ جۇمىستارىن جانداندىرۋعا جانە وزىق تەحنولوگيالاردى ەنگىزۋدى قامتاماسىز ەتۋگە، سونداي-اق كادر الەۋەتىن دامىتۋعا مۇمكىندىك بەرەتىنىنە سەنىم ءبىلدىردى.

تاراپتار قازاقستان مەن تۇركيانىڭ ەكونوميكالىق دامۋى جولىندا مۇناي-گاز سالاسىنداعى ىنتىماقتاستىقتى ودان ءارى نىعايتۋ باعىتىنداعى ورتاق جۇمىستى جالعاستىرۋعا دايىن ەكەندىگىن راستادى.

Abai.kz