قازاقستان رەسپۋبليكاسىنىڭ باس پروكۋرورى 2026 جىلعى 6 قاڭتارداعى بۇيرىعىمەن قازاقستان رەسپۋبليكاسى باس پروكۋراتۋراسىنىڭ اكتيۆتەردى قايتارۋ قىزمەتى تۋرالى ەرەجەنى بەكىتتى، دەپ حابارلايدى Zakon.kz.

اتالعان قىزمەت قر باس پروكۋراتۋراسىنىڭ قۇرىلىمدىق بولىمشەسى بولىپ تابىلادى.

قىزمەت قۇرامىنا مىنالار كىرەدى:

مونيتورينگ، تالداۋ جانە تەكسەرۋلەر باسقارماسى;

اكتيۆتەردى قايتارۋ شارالارى باسقارماسى;

باس پروكۋروردىڭ اعا كومەكشىسى (ۇيىمداستىرۋشىلىق-باقىلاۋ جۇمىسى);

باس پروكۋروردىڭ كومەكشىسى (حالىقارالىق بايلانىستار جونىندە).

قىزمەتتىڭ نەگىزگى مىندەتتەرى:

"مەملەكەتكە زاڭسىز يەمدەنىلگەن اكتيۆتەردى قايتارۋ تۋرالى" زاڭدا كوزدەلگەن وكىلەتتىكتەر شەگىندە زاڭسىز يەمدەنىلگەن اكتيۆتەردى انىقتاۋ جانە ولاردى مەملەكەتكە قايتارۋ;

زاڭسىز يەمدەنىلگەن، ونىڭ ىشىندە ەلدەن شىعارىلعان اكتيۆتەردى مەملەكەتكە قايتارۋعا باعىتتالعان شارالاردى ىسكە اسىرۋ;

اكتيۆتەردى قايتارۋ ماسەلەلەرى بويىنشا حالىقارالىق-قۇقىقتىق ىنتىماقتاستىقتى دامىتۋ;

قازاقستان رەسپۋبليكاسىنىڭ زاڭنامالىق اكتىلەرى مەن پرەزيدەنت اكتىلەرىنە سايكەس وزگە دە مىندەتتەردى ورىنداۋ.

قىزمەتتىڭ فۋنكتسيالارى:

مەملەكەت اتىنان جانە ونىڭ مۇددەسى ءۇشىن اكتيۆتەردى قايتارۋ جونىندەگى قىزمەتتى جۇزەگە اسىرۋ;

اكتيۆتەردى زاڭسىز يەمدەنۋگە، ولاردى ەلدەن شىعارۋعا جانە قايتارۋعا قارسى ءىس-قيمىل جاساۋ ماقساتىندا اقپاراتقا مونيتورينگ پەن تالداۋ جۇرگىزۋ، زاڭدا ايقىندالعان سۋبەكتىلەر مەن ولاردىڭ اففيليرلەنگەن تۇلعالارىنا قاتىستى زاڭسىز شىعارىلعان اكتيۆتەر تۋرالى اقپاراتتى ىزدەۋ، جيناۋ، وڭدەۋ، جۇيەلەۋ جانە باعالاۋ;

قايتارۋعا جاتاتىن اكتيۆتەرگە اۋديت جانە باعالاۋ جۇرگىزۋ، ونىڭ ىشىندە ءۇشىنشى تۇلعالاردى تارتۋ ارقىلى;

اكتيۆتىڭ ساتىپ الىنۋ كوزدەرىنىڭ (شىعۋ تەگىنىڭ) زاڭدىلىعىن زاڭناماعا سايكەس تەكسەرۋ;

قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن مەملەكەتتىك ورگانداردان، ۇيىمداردان، كۆازيمەملەكەتتىك سەكتور سۋبەكتىلەرىنەن جانە لاۋازىمدى تۇلعالاردان اقپارات پەن ماتەريالدار سۇراتۋ;

زاڭدا كوزدەلگەن الەۋەتتى سۋبەكتىلەرگە جانە ولاردىڭ اففيليرلەنگەن تۇلعالارىنا قاتىستى، سونداي-اق وزگە دە قىلمىستىق قۇقىق بۇزۋشىلىقتار بويىنشا سوتقا دەيىنگى تەرگەپ-تەكسەرۋدى تىركەۋ جانە (نەمەسە) جۇرگىزۋ;

اكتيۆتەردى ەرىكتى تۇردە قايتارۋ تۋرالى جەكە جانە زاڭدى تۇلعالاردىڭ وتىنىشتەرىن قاراۋ جانە ولار بويىنشا زاڭدا بەلگىلەنگەن تارتىپپەن شەشىم قابىلداۋ;

مۇلىكتى تاركىلەۋ جانە اكتيۆتەردى قايتارۋ سالاسىنداعى حالىقارالىق تاجىريبەنى زەردەلەۋ;

اكتيۆتەردى قايتارۋ جونىندەگى قىزمەت ناتيجەلەرىنىڭ زاڭدىلىعى مەن اشىقتىعىن قامتاماسىز ەتۋ;

مەملەكەتكە زاڭسىز يەمدەنىلگەن اكتيۆتەردى قايتارۋ ماسەلەلەرى جونىندەگى كوميسسيانىڭ ءتيىمدى قىزمەتىن قامتاماسىز ەتۋ;

كونستيتۋتسيالىق زاڭداردا، زاڭداردا، پرەزيدەنت پەن باس پروكۋروردىڭ اكتىلەرىندە كوزدەلگەن وزگە دە فۋنكتسيالاردى ورىنداۋ.

قىزمەتتى ونىڭ باسشىسى باسقارادى جانە قىزمەتكە جۇكتەلگەن مىندەتتەردىڭ ورىندالۋىنا، سونداي-اق فۋنكتسيالاردىڭ جۇزەگە اسىرىلۋىنا دەربەس جاۋاپتى بولادى.

قىزمەتتەگى جالپى جانە قۇپيا ءىس جۇرگىزۋ پروكۋراتۋرا ورگاندارىنداعى قۇجات اينالىمى قاعيدالارىنا جانە قۇپيالىلىق رەجيمىن قامتاماسىز ەتۋ جونىندەگى ۇيىمداستىرۋشىلىق-وكىمدىك اكتىلەرگە سايكەس جۇرگىزىلەدى.

اتالعان بۇيرىق 6 قاڭتاردان باستاپ قولدانىسقا ەنگىزىلدى.

ەسكە سالايىق، 2025 جىلعى قىركۇيەكتە مەملەكەت باسشىسى باس پروكۋراتۋرانىڭ كەيبىر فۋنكتسيالارىن ترانسفورماتسيالاۋ نيەتى بار ەكەنىن مالىمدەگەن بولاتىن.

سونداي-اق وتكەن جىلدىڭ جەلتوقسان ايىنىڭ سوڭىندا اكتيۆتەردى قايتارۋ كوميتەتى باس پروكۋراتۋرا جانىنداعى ينۆەستورلاردىڭ قۇقىقتارىن قورعاۋ كوميتەتى بولىپ قايتا ۇيىمداستىرىلعانى حابارلانعان ەدى.

Abai.kz