ۋكراينا قورعانىس مينيسترلىگى:

– ۇشقىشسىز اپپاراتتار سالاسىندا ۋكراينا ءوز ءوندىرىسىن كۇشەيتۋدە. 2026 جىلعا قاراي ءبىز 7 ميلليوننان استام درون شىعارۋدى جوسپارلاپ وتىر. ۇشقىشسىز تەحنولوگيالار اسيممەتريالىق قورعانىستىڭ نەگىزىنە ءھام وزەگىنە اينالدى جانە قازىر رەسەيدىڭ ىشكەرى اۋماقتارىنا سوققىلاردى سول دروندار ارقىلى جاساۋدامىز.

ءبىزدىڭ بۇل ءوندىرىسىمىز قازىر 20 كم-گە دەيىن تۇراقتى سوققى جانە قورعانىس ايماعىن قۇرۋعا مۇمكىندىك بەردى. ەندىگى ماقسات – بۇل ايماقتى 100 شاقىرىمعا دەيىن كەڭەيتۋ، - دەيدى.

ۋكراينا دروندارى 2022 جىلدان 2025 جىلعا دەيىن ەكسپەريمەنتتىك قولدانىستان جاپپاي شابۋىلدىڭ وزەگىنە دەيىنگى ترانسفورماتسيادان ءوتىپ، قازىر جەكە “درون ارمياسى” دەيتىن دەڭگەيگە جەتتى. وسى ارالىقتا ۋكراينانىڭ درون ءوندىرىسى 3 ەسەگە وسكەن. بىلتىر ۋكراينا بارلاۋشى، سوققىلاۋشى، الىستى سوققىلاۋشى، جاقىندى قورعاۋشى درونداردان ۇزىن-ىرعاسى 4,5 ميلليونىن جاساپ شىعارسا، بيىل بۇل ساندى 7 ميلليونعا جەتكىزبەك، انە!

ۋكراينادا درونداردىڭ ءتۇر-ءتۇرى بار. ءوز ءوندىرىسى جولعا قويىلعان. ۋكراينا اسىرەسە ارزان FPV درونداردى كۇن سايىن جاپپاي قولدانۋدا. ودان باسقا ورتا جانە الىس قاشىقتىققا سوققى جاسايتىن دروندار از ەمەس.

بۇدان بولەك ۋكراينا ارىپتەستەرىنەن العان دروندار دا بارشىلىق. سولاردىڭ ءبىرسىپىراسى:

تۇرىكتىڭ ايدىك “Bayraktar TB2-سىنەن” باسقا ۋكراينادا قازىردىڭ وزىندە 1 مىڭ شاقىرىمعا ۇشىپ جەتەتىن “Tekever AR3” ءوزۇشارى بار ەكەنى ايتىلادى. امەريكالىق “Switchblade 300” جانە “Switchblade 600” دروندارى دا ۋكراينا قولدانىسىندا.

امەريكالىق وندىرىستەن - جاقىن قاشىقتىقتاعى قورعانىسقا ارنالعان “Phoenix Ghost”، بارلاۋعا ارنالعان “Quantix Recon”، 60 شاقىرىمدى اتاتىن “Puma”، اۋىر سالماقتى “Bayraktar-عا” باسەكەلەسەتىن “MQ-9 Reaper” سەكىلدى درونداردى دا العان.

بۇعان قوسا ۋكراينا جاقىندا فرانتسيادان 500 شاقىرىمعا سوققى جاسايتىن “Rodeur” دروندارىن العان.

Abai.kz