قازاقستان رەسپۋبليكاسى
كونستيتۋتسيالىق سوتىنىڭ توراعاسى،
كونستيتۋتسيالىق كوميسسيانىڭ
توراعاسى ە.ءا. ءازىموۆا حانىعا!

قۇرمەتتى ەلۆيرا ابىلحاسىمقىزى!

كونستيتۋتسيا كوكتەن تۇسپەيدى!

كونستيتۋتسيا جەردەن دە شىقپايدى!

اتاقتى بۇقار جىراۋ قالقامانۇلى بابامىزدىڭ اتاقتى ولەڭى بار، بىلەسىزدەر، «جاماننان جاقسى تۋسا دا، جاقسىدان جامان تۋسا دا – تارتپاي قويماس نەگىزگە!»،-دەگەن!

1993 جىلعى كونستيتۋتسيانى جۇرتتىڭ ءبارى ماقتايدى.

سول كونستيتۋتسيا قايتىپ كەلسە ەكەن دەپ، ارماندايتىنداردىڭ قاتارى وتە كوپ.

نەگە؟

1993 جىلعى كونستيتۋتسيا، بۇقار بابام ايتقانداي، نەگىزى بار جانە سول نەگىزىنە تارتقان كيەلى كونتيتۋتسيا بولاتىن. امال نە، عۇمىرى وتە قىسقا بولدى…

1995 جىلعى كونستيتۋتسيانى ەلدىڭ ءبارى جاماندايدى، جەك كورەدى. بار بالە سودان باستالدى دەپ، ءتىسىن قايرايتىنداردىڭ سانىندا ەسەپ جوق!

نەگە؟!

1995 جىلعى كونستيتۋتسيا — نەگىزىنەن ايىرىلعان «شاتا» كونستيتۋتسيا ەدى.

مىنە، سودان قۇتىلىپ، جاڭا كونستيتۋتسيا قابىلداعالى جاتىرمىز.

جاڭا كونستيتۋتسيانىڭ جوباسىنا جۇرتتىڭ كوڭىلى تولماي، تولقىپ تۇر بۇگىن. جوبانى ازىرلەۋشىلەر ادەمى سوزبەن قانشا وراپ، ماقتاۋىن الاتاۋدان اسىرعانىمەن، ءبارىبىر، الاش جۇرتى قابىلدايتىن ءتۇرى جوق. وسقىرىنا قاراۋدا!

نەگە؟!!

جاڭا كونستيتۋتسيانىڭ جوباسى نەگىزىن تاپپاي، تەڭسەلىپ، قۇرمەتتى ەلۆيرا ابىلحاسىمقىزى, سىزگە قاراپ، جەتىم بالانىڭ كۇيىن كەشىپ، جاۋتەڭدەپ تۇر!

ەندەشە، ول نەگىز نە؟!؟

ول نەگىز – 1991 جىلعى 16 جەلتوقسان كۇنى قابىلدانعان «قازاقستان رەسپۋبليكاسىنىڭ مەملەكەتتiك تاۋەلسiزدiگi تۋرالى» كونستيتۋتسيالىق زاڭ جانە ونىڭ «وسى زاڭ قازاق كسر مەملەكەتتىك ەگەمەندىگى تۋرالى دەكلاراتسيامەن بىرگە رەسپۋبليكانىڭ جاڭا كونستيتۋتسياسىن ازىرلەۋگە نەگىز بولادى.»,-دەگەن 18-بابى!

بۇقار جىراۋ – جاي ادام ەمەس!

ول – ابىلاي حاننىڭ قاسىندا جۇرگەن كەمەڭگەر.

ازاتتىقتىڭ العاشقى قارلىعاشى مەن تاۋەلسىزدىكتىڭ تۇعىرى بولعان «قازاق سوۆەتتiك سوتسياليستiك رەسپۋبليكاسىنىڭ مەملەكەتتiك ەگەمەندiگi تۋرالى» دەكلاراتسياسى مەن «قازاقستان رەسپۋبليكاسىنىڭ مەملەكەتتiك تاۋەلسiزدiگi تۋرالى» كونستيتۋتسيالىق زاڭىن قابىلداعان توپتىڭ ورتاسىندا ءابىش كەكىلبايۇلى بولدى.

تاۋەلسىز قازاقستاننىڭ 1993 جىلعى تۇڭعىش كونستيتۋتسياسى قابىلدانعاندا، «ەگەمەن قازاقستان» گازەتىنىڭ باس رەداكتورى بولىپ وتىرعان ءابىش كەكىلبايۇلىنىڭ  قازاقستان رەسپۋبليكاسىنىڭ مەملەكەتتىك كەڭەسشىسى لاۋازىمىنا كەلۋى – وسىناۋ تاعدىرشەشتى قۇجاتتىڭ ساپالى شىعۋىنىڭ ءبىر سەبەبى ەكەنى ايتپاسا دا تۇسىنىكتى جاعداي.

قىسقاسى، كەشە سول بۇقار جىراۋدىڭ ورنىندا ءابىش كەكىلبايۇلى اعامىز جۇرسە، بۇگىن ءبىزدىڭ ەرلان قارين باۋىرىمىز وتىر.

ەندى وتىز، ەلۋ، ءتىپتى نەشە جۇزدەگەن جىلدار وتكەندە تۋعان حالقىڭىز سول ءابىش اعامىز بەن بۇقار بابامىز سەكىلدى، سىزدەردى دە ساعىنىشپەن، ىلتيپاتپەن ەسكە السا ەكەن دەپ تىلەيمىن!

ەندى اۋەلگى سوزىمىزگە ورالساق، «نەگىز» دەگەن ءسوزدىڭ سول بۇقار جىراۋدىڭ اۋزىنا قۇداي سالعان.

سوندىقتان دا بۇل كيەلى ءسوز عاسىرلار قويناۋىندا قالىپ قولماي، مىنە، بۇگىن بىزگە جەتتى.

ءبىر سوزبەن ايتقاندا، بۇحار جىراۋ ايتقان سول «نەگىز» ۇعىمى اكادەميك سالىق زيمانوۆ، ءابىش كەكىلباەۆ باستاعان كىلەڭ لەگاندالار ارقىلى، جوعارىدا ايتىلعان 18-باپقا ەنىپ، ءاربىر جاڭا كونستيتۋتسيانىڭ تابان تىرەر تياناعى، تۇعىرىنا اينالىپ وتىر...

سوندىقتان، بۇل نەگىز – تاستاي بەرىك نەگىز!!!

قۇرمەتتى ەلۆيرا ابىلحاسىمقىزى!

«قازاقستان رەسپۋبليكاسىنىڭ مەملەكەتتiك تاۋەلسiزدiگi تۋرالى» زاڭ – تاۋەلسىزدىكتى ۇستاپ تۇرعان قاسيەتتى زاڭ!

1995 جىلعى كونستيتۋتسيانى ازىرلەۋشىلەر 1993 جىلعى كونستيتۋتسيانىڭ بويىنان سول «قازاق سوۆەتتiك سوتسياليستiك رەسپۋبليكاسىنىڭ مەملەكەتتiك ەگەمەندiگi تۋرالى» دەكلاراتسياسى مەن «قازاقستان رەسپۋبليكاسىنىڭ مەملەكەتتiك تاۋەلسiزدiگi تۋرالى» كونستيتۋتسيالىق زاڭىنىڭ نەگىزىن سىلىپ تاستاپ ەدى، قازاقستان ادام توزگىسىز كەسەپاتقا جولىقتى.

نەگىز بەن قاسيەتتەن ايىرىلعان دۇنيەنىڭ سالماعى دا، باعاسى دا بولمايدى ەكەن، مىنە، سول بالەدەن قۇتىلعالى جاتىرمىز...

ماعان سەنىپ قويىڭىز، جاڭا كونستيتۋتسيانىڭ جوباسى تاۋەلسىزدىكتىڭ تىرەگى بولعان وسى «قازاقستان رەسپۋبليكاسىنىڭ مەملەكەتتiك تاۋەلسiزدiگi تۋرالى» كونستيتۋتسيالىق زاڭدى نەگىز ەتىپ، ونىڭ 18-بابىنىڭ تالابىن ورىنداسا، بۇگىن تۇنەرىپ وتىرعان قارا ورمان قاۋىم سىزدەر ازىرلەگەن جاڭا جوبانى قالاي قوتارىلا قولداپ شىعا كەلگەنىن وزدەرى سەزبەي قالادى!

قۇرمەتتى ەلۆيرا ابىلحاسىمقىزى!

سوندىقتان، كونستيتۋتسيالىق سوت جاڭا كونستيتۋتسيا قابىلداۋدىڭ پروتسەدۋراسىن قاتاڭ ساقتاۋى كەرەك!

ەرتەڭ پرەزيدەنتىمىزدى ۇياتقا قالدىرامىز!

كونستيتۋتسيالىق سوتتىڭ دا بەدەلى كەتەدى...

سوندىقتان، مەن ءسىزدى جاڭا كونستيتۋتسيا قابىلداۋدىڭ پروتسەدۋراسىن قاتاڭ ساقتاۋعا شاقىرامىن!!

سونداي-اق، سىزدەن وسى ماسەلە بويىنشا مەنى جەكە قابىلداۋىڭىزدى سۇرايمىن!

قۇرمەتپەن،

اۋىت مۇقيبەك،

«قۇرمەت» وردەنىنىڭ يەگەرى

Abai.kz