الدا وتەتىن رەفەرەندۋم – ەلدىڭ ساياسي جانە قوعامدىق دامۋ باعىتىنا اسەر ەتەتىن ماڭىزدى دەموكراتيالىق قۇرال.

مۇنداي جالپىحالىقتىق داۋىس بەرۋ ارقىلى ازاماتتار مەملەكەتتىك دەڭگەيدەگى ستراتەگيالىق شەشىمدەرگە تىكەلەي قاتىسۋ مۇمكىندىگىنە يە بولادى.

رەفەرەندۋمنىڭ باستى ماڭىزى – حالىقتىڭ پىكىرىن تىكەلەي ءبىلدىرۋى. ساراپشىلاردىڭ پىكىرىنشە، مۇنداي ساياسي تەتىك بيلىك پەن قوعام اراسىنداعى سەنىمدى نىعايتىپ، ازاماتتىق جاۋاپكەرشىلىكتى ارتتىرۋعا ىقپال ەتەدى.

داۋىس بەرۋ كۇنى ءار ازاماتتىڭ بەلسەندى قاتىسۋى ەل بولاشاعىنا بەيجاي قارامايتىنىن كورسەتەدى.

سۋرەت: سپيكەردىڭ مۇراعاتىنان الىندى.

وسىعان بايلانىستى ساياساتتانۋشى جاقسىبەك جيەناليەۆتەن پىكىر الدىق.

– رەفەرەندۋم – ءبىر رەتتىك ناۋقان ەمەس، قوعام مەن مەملەكەتتىڭ ءوزارا سەنىمىن نىعايتاتىن باستى قۇرال. ول بيلىك پەن قوعام اراسىنداعى كەلىسىمنىڭ ينستيتۋتسيونالدىق كەپىلى دەۋگە بولادى. رەفەرەندۋم ارقىلى ازاماتتار ەل دامۋىنىڭ تەڭ اۆتورى رەتىندە ءوز ۇستانىمىن بىلدىرۋگە جانە ستراتەگيالىق شەشىمدەرگە ىقپال ەتۋگە مۇمكىندىك الادى، - دەيدى ول.

Abai.kz