2026 ج. 12 اقپاندا استانا ق. حالىقارالىق اۋەجايىندا دۋباي قالاسىندا ء(باا) وتكەن UAE SWAT Challenge-2026 سايىسىنىڭ جەڭىمپازدارى مەن قاتىسۋشىلارىن سالتاناتتى تۇردە قارسى الۋ شاراسى بولدى.

قر مەملەكەتتىك كۇزەت قىزمەتى، قر ۇلتتىق قاۋىپسىزدىك كوميتەتى، قر ىشكى ىستەر مينيسترلىگى ارنايى ماقساتتاعى بولىمشەلەرىنىڭ ۇزدىك جاۋىنگەرلەرى بىرىككەن بەس قۇراما كوماندا 7-11 اقپاندا ءباا-دە جەتىنشى رەت وتكىزىلگەن “ارنايى جاساق وليمپياداسى” سانالاتىن حالىقارالىق ايتۋلى تۋرنيردەن جەڭىسپەن ورالدى.

UAE SWAT Challenge-2026 جالپى قورىتىندىسى بويىنشا “Kazakhstan C” قۇراماسى التىن جۇلدەگە يە بولدى. جەڭىس قۋانىشىن “Kazakhstan ا” كومانداسى ەسەلەدى، ول ايتۋلى الەمدىك ءتۋرنيردىڭ ەكىنشى ورنىن جەڭىپ الدى. تاعى ءۇش قۇراما 48 ەلدەن كەلگەن 109 كوماندا ىشىندەگى 20 ۇزدىك قاتارىنا كىردى.

قازاقستان ارنايى ماقساتتاعى بولىمشەلەرىنىڭ كوماندالارى الەم الدىندا تەڭدەسسىز دەنە دايىندىعىن، مۇلتىكسىز كوماندالىق ىنتىماق ۇلگىسىن كورسەتىپ، جەڭىس جولىندا جانىن اياعان جوق. ولاردىڭ ءبىرى، “Tomiris” قىزدار قۇراماسى الەم جانكۇيەرلەرىنىڭ ەرەكشە نازارىنا يە بولدى. ءتۋرنيردىڭ ءاربىر كەزەڭىندە ول ايەلدەر كوماندالارىنىڭ ۇزدىگى بولدى ءارى جالپى ەسەپتە ونداعان ەرلەر قۇرامالارىن ارتتا قالدىردى. UAE SWAT Challenge سايىسكەرلەرى تاكتيكالىق وپەراتسيالار، عيمارات پەن مۇنارانى باسىپ الۋ، كەپىلگە الىنعانداردى جانە وفيتسەرلەردى قۇتقارۋ، سونداي-اق كەشەندى كەدەرگىلەر جولاعىنان ءوتۋ سەكىلدى بەس ارناۋلى تاپسىرمانى ورىندادى.

وتكەن جىلداردا دا وسى سايىستا قازاقستان ارنايى ماقساتتاعى بولىمشەلەر كوماندالارى جۇلدەلى ورىندارمەن ورالعان بولاتىن.

وتاندىق كوماندالارعا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قۇتتىقتاۋ جولدادى. پرەزيدەنت جاۋىنگەرلەردىڭ ۇزدىك دايارلىعىن، جەڭىسكە دەگەن ىنتا-جىگەرىن جانە بيىك پاتريوتتىق رۋحىن اتاپ ءوتتى.

Abai.kz