اقتوبە وبلىسىندا پولكوۆنيك شەنىندەگى پروكۋراتۋرا قىزمەتكەرى ۇستالدى. بەيرەسمي مالىمەتكە سايكەس، كۇدىكتى 10 ميلليون تەڭگە كولەمىندە پارا العان بولۋى مۇمكىن.

ۇستاۋ 2026 جىلعى 17 اقپاندا سىبايلاس جەمقورلىققا قارسى ءىس-قيمىل اياسىندا جۇرگىزىلگەن. قازىرگى ۋاقىتتا تەرگەۋ ارەكەتتەرى جالعاسىپ جاتىر.

– ۇلتتىق قاۋىپسىزدىك كوميتەتىنىڭ ورتالىق اپپاراتى، سىبايلاس جەمقورلىققا قارسى ءىس-قيمىل بولىمشەلەرى جانە باس پروكۋراتۋرانىڭ وزىندىك قاۋىپسىزدىك دەپارتامەنتىمەن بىرلەسىپ، اقتوبە وبلىسى پروكۋراتۋراسىنىڭ قىزمەتكەرى ۇستالدى. قازىر تەرگەۋ امالدارى جۇرگىزىلۋدە، – دەپ حابارلادى قاداعالاۋشى ورگاننىڭ ءباسپاسوز قىزمەتى.

ايماقتىق پروكۋراتۋرا باسقا مالىمەتتەردى جاريالامادى.

Abai.kz