23 اقپاننان باستاپ كۇننىڭ قاتتى سۋيتىنى بولجانۋدا.

قازاقستاننىڭ باسىم بولىگىندە اياز قايتادان كۇشەيەدى. بۇل تۋرالى "قازگيدرومەت" رمك ءمالىم ەتتى. 

سينوپتيكتەردىڭ حابارلاۋىنشا، ەلىمىزدىڭ باسىم بولىگىندە تسيكلون مەن اتموسفەرالىق فرونتتاردىڭ اسەرىنەن ءارتۇرلى قارقىندىلىقتاعى جاۋىن-شاشىن كۇتىلەدى. سولتۇستىك جانە شىعىس وڭىرلەردە قار جاۋىپ، كەي ۋاقىتتاردا قالىڭ قار تۇسەدى. وڭتۇستىك وبلىستاردا جاۋىن-شاشىن نەگىزىنەن جاڭبىر تۇرىندە بولجانادى. سونداي-اق ەكپىندى جەل كۇشەيىپ، بوران سوعادى، كوكتايعاق پەن تۇمان قۇبىلىستارى بايقالادى.

تسيكلوننان كەيىن باتىس ءسىبىر جازىعى (ەتر) اۋداندارىنان انتيتسيكلون باتىس وڭىرلەرگە ىعىسادى. سونىڭ اسەرىنەن جاۋىن-شاشىن توقتاپ، اۋا تەمپەراتۋراسى تومەندەيدى. تۇنگى ۋاقىتتا باتىس وبلىستاردا اۋا تەمپەراتۋراسى 10–22 گرادۋس ايازعا دەيىن، سولتۇستىك وبلىستاردا 17–25 گرادۋس ايازعا دەيىن، ال وڭتۇستىك وبلىستاردا 0–8 گرادۋس ايازعا دەيىن تومەندەيدى. 23 اقپاننان باستاپ سولتۇستىك-باتىستا، 24 اقپاننان باستاپ سولتۇستىك، شىعىس جانە ورتالىق وڭىرلەردە اۋا تەمپەراتۋراسىنىڭ كۇرت تومەندەۋى بولجانادى. كەي جەرلەردە 25–37 گرادۋسقا دەيىن اياز كۇتىلەدى، - دەپ جازىلعان حابارلامادا.

Abai.kz