«اتامەكەن» ۇلتتىق كاسىپكەرلەر پالاتاسىنىڭ تورالقا توراعاسى كانات شارلاپاەۆ اتىراۋ وبلىسىنا ءىس-ساپارمەن بارىپ، وڭىرلىك بيلىك وكىلدەرىمەن، كاسىپكەرلەرمەن جانە ءىرى وندىرىستىك كاسىپورىنداردىڭ باسشىلىعىمەن كەزدەستى.

اتىراۋداعى ىسكەرلىك تاڭعى اس. يندۋستريا كوشباسشىلارىمەن ستراتەگيالىق ديالوگ

جۇمىس باعدارلاماسى وڭىردەگى ءىرى كاسىپورىندار – «سيلەنو» جشس، «KMG PetroChem» جشس جانە «Kazakhstan Petrochemical Industries Inc.» جشس باسشىلارىمەن وتكەن ىسكەرلىك تاڭعى استان باستالدى.

كەزدەسۋدە مۇناي-گاز حيمياسى كلاستەرىن دامىتۋ، جەرگىلىكتى بيزنەستىڭ ءىرى جوبالارعا قاتىسۋى جانە قازاقستاندىق مامانداردى باسىم تارتىپپەن جۇمىسقا تارتۋ ماسەلەلەرى تالقىلاندى.

«KMG PetroChem» كومپانياسىنىڭ KPI گاز-حيميا كەشەنى جوباسىنا ەرەكشە نازار اۋدارىلدى. ەل ءۇشىن بىرەگەي جوبا مەملەكەت باسشىسىنىڭ قاتىسۋىمەن ىسكە قوسىلعان. زاۋىت جىلىنا 500 مىڭ توننا پوليپروپيلەن ءوندىرىپ، شاعىن جانە ورتا بيزنەس ءۇشىن ەكوجۇيە قالىپتاستىرۋدا. كاسىپورىندا 630 ادام جۇمىس ىستەيدى، ولاردىڭ 80%-دان استامى – اتىراۋ وبلىسىنىڭ تۇرعىندارى. قازىر پوليپروپيلەن گوموپوليمەرىنىڭ 15 ماركاسى يگەرىلگەن، كەلەشەكتە بۇل كورسەتكىشتى قۇرىلىس، مەديتسينا، تاماق جانە توقىما ونەركاسىبىندە قولدانىلاتىن 64 ماركاعا دەيىن جەتكىزۋ جوسپارلانۋدا.

سونىمەن بىرگە ءوڭىردىڭ نەگىزگى ونەركاسىپتىك كاسىپورىندارىندا جۇمىسشىلاردىڭ 90-97%-ىن قازاقستان ازاماتتارى قۇرايتىنى، ولاردىڭ 60-70%-ى – جەرگىلىكتى تۇرعىندار ەكەنى اتاپ ءوتىلدى.

گازدى ءبولۋ كەشەنى قۇرىلىسى اياسىندا شامامەن 3 500 جۇمىس ورنى قۇرىلماق، ونىڭ كەمىندە 90%-ى قازاقستاندىق ماماندارعا تيەسىلى. قازىر نىساندا 600-دەن استام ادام جۇمىس ىستەيدى، ولاردىڭ 98%-ى – قازاقستان ازاماتتارى، 70%-دان استامى – ءوڭىر تۇرعىندارى. پايدالانۋعا بەرۋ كەزەڭىندە 400-دەن استام تۇراقتى جۇمىس ورنىن اشۋ جوسپارلانعان. جەرگىلىكتى جانە شەتەلدىك جۇمىس كۇشىنىڭ ۇلەسىنە قاتىستى مىندەتتەمەلەردىڭ ورىندالۋى جۇيەلى تۇردە باقىلاۋدا.

بيزنەس-قوعامداستىقپەن جانە وڭىرلىك بيلىك وكىلدەرىمەن ديالوگ

كەلەسى كەزەكتە اتىراۋ وبلىسىنىڭ كاسىپكەرلەر پالاتاسى وڭىرلىك كەڭەسىنىڭ مۇشەلەرىمەن كەزدەسۋ ءوتتى. وندا شاعىن جانە ورتا بيزنەستى دامىتۋ، تسيفرلىق قۇرالداردى ەنگىزۋ، اكىمشىلىك كەدەرگىلەردى جويۋ جانە جەڭىلدەتىلگەن قارجىلاندىرۋعا قولجەتىمدىلىك ماسەلەلەرى تالقىلاندى.

«اتىراۋ – قازاقستانداعى ستراتەگيالىق ماڭىزى بار وڭىرلەردىڭ ءبىرى. مۇندا مۇناي-گاز سالاسى بەلسەندى دامىپ كەلە جاتقان شاعىن جانە ورتا بيزنەسپەن قاتار وركەندەپ كەلەدى. ءبىزدىڭ مىندەت – جەرگىلىكتى كاسىپكەرلەر ءىرى جوبالاردىڭ تەك مەردىگەرى ەمەس، تولىققاندى سەرىكتەسىنە اينالۋى ءۇشىن جاعداي جاساۋ»، – دەپ اتاپ ءوتتى شارلاپاەۆ.

كاسىپكەرلەرمەن وتكەن كەڭەيتىلگەن كەزدەسۋدى اتىراۋ وبلىسى كاسىپكەرلەر پالاتاسى وڭىرلىك كەڭەسىنىڭ توراعاسى اسقار ساپپاەۆ جۇرگىزدى. ول پالاتانىڭ نەگىزگى مىندەتى – بيزنەسكە قولايلى جاعداي جاساۋ جانە كاسىپكەرلەر مەن مەملەكەتتىك ورگاندار اراسىنداعى ءتيىمدى ديالوگتى قامتاماسىز ەتۋ ەكەنىن ايتتى.

«وسىنداي اشىق ديالوگ الاڭى ماسەلەلەردى تالقىلاپ قانا قويماي، ناقتى شەشىمدەر ازىرلەۋگە مۇمكىندىك بەرەدى»، – دەدى ساپپاەۆ.

كەزدەسۋدە «ىسكەر ايماق» باعدارلاماسى بويىنشا 13,2% مولشەرلەمەمەن 200 ملن تەڭگەگە دەيىن نەسيە بەرۋ شارتتارى، ينفراقۇرىلىمدىق قولداۋ، كاسىپكەرلىك باستامالاردى سۇيەمەلدەۋ جانە كەشەندى وقىتۋ ماسەلەلەرى قارالدى. ەل بويىنشا جەڭىلدىكتى قارجىلاندىرۋدىڭ جالپى كولەمى شامامەن 400 ملرد تەڭگە بولادى.

وڭىرلىك كاسىپكەرلەر پالاتاسى

اتىراۋ وبلىسىنىڭ وڭىرلىك كاسىپكەرلەر پالاتاسى – وڭىردەگى بيزنەستىڭ باستى سەرىكتەسى. پالاتا شتاتىندا 28 قىزمەتكەر بار. باسقارۋشى – نۇرلان سۇيىنباەۆ. وڭىرلىك كەڭەس 16 مۇشەدەن تۇرادى، ولاردىڭ بارلىعى – شاعىن جانە ورتا بيزنەستىڭ وكىلدەرى.

پالاتا ءوڭىردىڭ ينستيتۋتسيونالدىق پروتسەستەرىنە بەلسەندى قاتىسادى. ونىڭ دەلەگاتتارى جەرگىلىكتى اتقارۋشى ورگاندار جانىنداعى 27 ككو-عا جانە 9 سالالىق كەڭەسكە كىرەدى. ولار اۋىل شارۋاشىلىعى، تاماق جانە وڭدەۋ ونەركاسىبى، قۇرىلىس، مەديتسينا، ءبىلىم بەرۋ، تۋريزم، كرەاتيۆ يندۋستريالار، ساۋدا جانە قىزمەت كورسەتۋ سەكتورلارىن قامتيدى. سونىمەن بىرگە پالاتا كاسىپكەرلەردىڭ قۇقىعىن قورعاۋ جانە سىبايلاس جەمقورلىققا قارسى كەڭەستە جۇمىس ىستەيدى.

ينۆەستورلار قۇقىعىن قورعاۋ جانە تۇراقتى دامۋ

ساپاردىڭ ماڭىزدى كەزەڭدەرىنىڭ ءبىرى – قانات شارلاپاەۆتىڭ اتىراۋ وبلىسىنىڭ پروكۋرورى ماديار باسشىباەۆپەن جانە پروكۋراتۋرا ورگاندارىنىڭ وكىلدەرىمەن كەزدەسۋى بولدى. ديالوگ بارىسىندا ۇكپ باسشىسى پروكۋراتۋرا ورگاندارىنىڭ جەكە مەنشىكتى قورعاۋ جانە ءوڭىردىڭ ينۆەستيتسيالىق تارتىمدىلىعىن قالىپتاستىرۋداعى ماڭىزدى ءرولىن اتاپ ءوتتى.

قانات شارلاپاەۆ بۇگىندە پروكۋراتۋرا زاڭدىلىقتىڭ ساقتالۋىن قامتاماسىز ەتەتىن ءارى كاسىپكەرلەردىڭ قۇقىعىن نەگىزسىز اكىمشىلىك تالاپتاردان قورعايتىن ماڭىزدى قۇقىقتىق سۇزگى رەتىندە ارەكەت ەتەتىنىن ايتتى. باس پروكۋراتۋرانىڭ دەرەكتەرىنە سايكەس، ينۆەستيتسيالىق جوبالاردى پروكۋرورلىق سۇيەمەلدەۋ ناتيجەسىندە مىڭداعان پروبلەمالىق كەيستەر شەشىلگەن. 300-دەن استام لاۋازىمدى تۇلعا جاۋاپكەرشىلىككە تارتىلىپ، سونىڭ ارقاسىندا 269 ينۆەستيتسيالىق جوبا ءساتتى ىسكە قوسىلعان ءارى 30 مىڭنان استام جۇمىس ورنى قۇرىلعان.

«بۇل كورسەتكىشتەر پروكۋرورلار كورپۋسىنىڭ بۇزىلعان قۇقىقتاردى قالپىنا كەلتىرۋ باعىتىنداعى جۇمىسىنىڭ تيىمدىلىگىن ايقىن كورسەتەدى»، – دەپ اتاپ ءوتتى قانات شارلاپاەۆ.

جەتەكشى ونەركاسىپتىك كاسىپورىندارعا بارۋ

جۇمىس ساپارى بارىسىندا قانات شارلاپاەۆ ءوڭىردىڭ تەحنولوگيالىق جانە ەكسپورتتىق الەۋەتىن كورسەتەتىن بىرقاتار ءىرى كاسىپورىنعا باردى. ولاردىڭ ىشىندە «كازتۋربورەمونت» جشس – ەنەرگەتيكالىق ماشينا جاساۋ زاۋىتى; «جولمۋحانوۆ» جك – كوكونىس ساقتاۋ قويماسى; سونداي-اق «مەدستارەكسپورت» جشس جانە «گراند ماتەريك» جشس – مەديتسينالىق ءبىر رەتتىك شپريتستەر مەن FFS-پلەنكا وندىرۋشىلەرى كىرەدى. بۇل كاسىپورىندار جەرگىلىكتى بيزنەستىڭ قاتىسۋىمەن جۇزەگە اسقان ينۆەستيتسيالىق جوبالاردىڭ تابىستى ۇلگىسىن، قازاقستاندىق ماماندار ءۇشىن جۇمىس ورىندارىن قۇرۋدى جانە ءوڭىردىڭ زاماناۋي تەحنولوگيالاردى ەنگىزۋگە دايىندىعىن كورسەتتى.

تسيفرلاندىرۋ جانە تيىمدىلىكتى ارتتىرۋ

ۇكپ تورالقا توراعاسى ءوڭىردىڭ باسەكەگە قابىلەتتىلىگىن ارتتىرۋدىڭ نەگىزگى فاكتورلارى – تسيفرلاندىرۋ مەن يننوۆاتسيالىق شەشىمدەردى ەنگىزۋ ەكەنىن اتاپ ءوتتى. اۆتوماتتاندىرۋ مەن تسيفرلىق تالداۋ شىعىنداردى ازايتۋعا، ونىمدىلىكتى ارتتىرۋعا جانە بيزنەستىڭ تيىمدىلىگىن جەدەل وسىرۋگە مۇمكىندىك بەرەدى.

جۇمىس ساپارىنىڭ قورىتىندىسى

«اتىراۋ – ونەركاسىپتى، كاسىپكەرلىكتى جانە ينۆەستيتسيالاردى دامىتۋعا زور الەۋەتى بار ايماق. بيزنەستىڭ، بيلىكتىڭ جانە قولداۋ ينستيتۋتتارىنىڭ بىرلەسكەن جۇمىسى جاڭا جۇمىس ورىندارىن اشۋعا، قازاقستاندىق مامانداردى باسىمدىقپەن جۇمىسقا ورنالاستىرۋعا جانە ءوڭىر ەكونوميكاسىن نىعايتۋعا مۇمكىندىك بەرەدى»، – دەپ قورىتىندىلادى قانات شارلاپاەۆ.

بۇل ءىس-ساپار «اتامەكەن» ۇكپ-نىڭ كاسىپكەرلەر باستاماسىن قولداۋعا جانە اتىراۋ وبلىسىنىڭ بيزنەس-ورتاسىن جۇيەلى دامىتۋدى قامتاماسىز ەتۋگە دايىندىعىن راستادى.

Abai.kz