سەنات توراعاسى: مەملەكەتتىلىكتى نىعايتۋ جانە حالىقتىڭ ءال-اۋقاتىن ارتتىرۋ – كونستيتۋتسيالىق رەفورمانىڭ باسىم مىندەتى
سەنات توراعاسى ماۋلەن اشىمباەۆ بۇگىن جەتىسۋ وبلىسىنىڭ جۇرتشىلىعىنا جاڭا كونستيتۋتسيانىڭ ماڭىزى مەن ءمانىن ايتىپ بەردى. ول الداعى رەفەرەندۋمدى ەلءىمىزءدىڭ تۇراقتى دامۋىنىڭ ىرگەتاسى دەپ اتادى.
سۋرەت: جەتىسۋ اكىمدىگىنەن الىندى.
سەنات توراعاسى 15 ناۋرىزدا قازاقستاندىقتار رەفەرەندۋمدا ماڭىزدى شەشىم قابىلدايتىنىنا نازار اۋداردى. ونىڭ ايتۋىنشا، كونستيتۋتسيالىق رەفورما ەلءىمىزءدى تۇراقتى دامىتۋ، دەموكراتيالىق قاعيداتتاردى نىعايتۋ جانە ساياسي جۇيەنى كەشەندى جاڭارتۋ جولىندا تاريحي ءارى ستراتەگيالىق ماڭىزعا يە.
«جاڭا كونستيتۋتسيا جوباسىنا بايلانىستى رەسپۋبليكالىق رەفەرەندۋم – پرەزيدەنتىمىز قاسىم-جومارت كەمەلۇلى توقاەۆتىڭ ەلدى اۋقىمدى ءارى جۇيەلى جاڭعىرتۋ باعدارىن ىسكە اسىرۋ جولىنداعى تاريحي كەزەڭ. ەلىمىزدىڭ بولاشاعىنا قاتىستى ماڭىزدى شەشىمدەردى ازاماتتاردىڭ تاڭداۋىنا سۇيەنە وتىرىپ قابىلداۋ دەموكراتيا قاعيداتتارىنا ادالدىقتىڭ ايقىن كورىنىسى ەكەنى انىق. كونستيتۋتسيالىق رەفورمانىڭ باسىم مىندەتى – تاۋەلسىزدىكتى نىعايتۋ جانە ازاماتتاردىڭ ءال-اۋقاتىن ارتتىرۋ. وسىعان بايلانىستى جاڭا كونستيتۋتسيا جوباسىندا زاڭ ۇستەمدىگى مەن قۇقىقتىق ءتارتىپتى كۇشەيتۋگە، ازاماتتاردىڭ قۇقىقتارى مەن مۇددەلەرىن قورعاۋعا، سونداي-اق، ەلدىڭ ورنىقتى دامۋىنا باسىمدىق بەرىلگەن», – دەدى ماۋلەن اشىمباەۆ.
سۋرەت: جەتىسۋ اكىمدىگىنەن الىندى.
تاعى ءبىر ماڭىزدى ەرەكشەلىك رەتىندە دامۋدىڭ نەگىزگى باعدارى – ادام كاپيتالىن جەتىلدىرۋ، مەملەكەتتىلىكتى، تاۋەلسىزدىك پەن ەگەمەندىكتى نىعايتۋ، سونداي-اق، ىشكى ساياسي تۇراقتىلىق پەن قوعامدىق كەلىسىمدى ساقتاۋ كونستيتۋتسيا جوباسىندا ناقتى بەلگىلەنگەنى ايتىلدى.
«جاڭا كونستيتۋتسيانىڭ باستى ەرەكشەلىگى ونىڭ ادامعا باعدارلانۋى ەكەنىن ايرىقشا اتاپ وتكەن ءجون. ازاماتتاردىڭ قۇقىقتارى مەن مۇددەلەرىنە نازار اۋدارۋ مەملەكەتتىك ساياساتتىڭ وزەگىنە اينالىپ وتىر. اتا زاڭ جوباسىندا ادام قۇقىقتارى دەكلاراتيۆتى ەرەجە ەمەس، ماڭىزدى قاعيداتتار جانە ناقتى مىندەتتەر رەتىندە قاراستىرىلعان. بۇل – ساپالى بىلىمگە قولجەتىمدىلىك, ءتيىمدى دەنساۋلىق ساقتاۋ جۇيەسى، الەۋمەتتىك قورعاۋ جانە ءار ازاماتتىڭ ءوز الەۋەتىن ىسكە اسىرۋىنا مۇمكىندىك بەرۋ سەكىلدى باعىتتاردى قامتيدى. وسى قاعيداتتاردى جۇزەگە اسىرۋ بارلىق ينستيتۋتتاردىڭ – قۇرىلتايدىڭ، ۇكىمەتتىڭ، اكىمدىكتەر مەن ءماسليحاتتاردىڭ، سونداي-اق، ازاماتتىق قوعام وكىلدەرىنىڭ بىرلەسكەن كۇش-جىگەرىن تالاپ ەتەدى. مۇنداي قادامدار – ەل يگىلىگى جولىنداعى ورتاق جاۋاپكەرشىلىكتىڭ جارقىن كورىنىسى ەكەنى انىق», – دەدى پالاتا توراعاسى.
سونىمەن قاتار پارلامەنت دەپۋتاتتارى ءوڭىردىڭ بەلسەندى جاستارىمەن، زاۋىت جۇمىسشىلارىمەن جانە فەرمەرلەرىمەن كەزدەستى.
سۋرەت: جەتىسۋ اكىمدىگىنەن الىندى.
«پرەزيدەنتىمىز قاسىم-جومارت كەمەلۇلى توقاەۆ اۋىل شارۋاشىلىعىن قارقىندى دامىتۋعا ۇنەمى باسا ءمان بەرىپ كەلەدى. ەلدىڭ ءال-اۋقاتى وسى سالاداعى تابىسپەن تىعىز بايلانىستى. بۇل باعىتتاعى ىلگەرىلەۋ اۋىلداردىڭ، وڭىرلەردىڭ، جالپى، تۇتاس ەلدىڭ دامۋىنا سەرپىن بەرەدى. بۇگىندە وسى جانە باسقا دا سالالاردا جۇيەلى جاڭعىرتۋلار جۇرگىزىلۋدە. ۇسىنىلىپ وتىرعان وزگەرىستەر قازاقستاننىڭ تۇراقتى دامۋىنا، ازاماتتاردىڭ ءومىر ءسۇرۋ ساپاسىن ارتتىرۋعا جانە بۇگىنگى ءارى كەلەر ۇرپاقتىڭ ءال-اۋقاتىن قامتاماسىز ەتۋگە باعىتتالعان. جەتىسۋ وبلىسى – ەلىمىزدىڭ ماڭىزدى اۋىلشارۋاشىلىق، يندۋستريالىق، عىلىمي جانە ەكونوميكالىق ورتالىقتارىنىڭ ءبىرى. بۇگىندە وڭىردەگى كاسىپورىندار وسى يگى ءداستۇردى جالعاستىرىپ، ءوسىم مەن يننوۆاتسيانىڭ ناقتى درايۆەرىنە اينالىپ وتىر», – دەدى ول كەزدەسۋگە قاتىسۋشىلارعا ارناعان سوزىندە.
Abai.kz
