ۇلتارالىق تاتۋلىق – كەز كەلگەن مەملەكەتتىڭ تۇراقتىلىعى مەن دامۋىنىڭ باستى كەپىلى بولىپ تابىلادى. بۇدان كوپ دياسپورالى ەل سانالاتىن قازاقستان دا تىسقارى قالا المايدى. جۇرتقا بەلگىلى جايت، ەگەر ءارتۇرلى ۇلت پەن ۇلىس وكىلدەرى ءبىر ەلدە بەيبىت ءومىر ءسۇرىپ، ءبىر-ءبىرىنىڭ مادەنيەتى مەن ءداستۇرىن قۇرمەتتەگەندە قوعامدا كەلىسىم مەن بىرلىك قالىپتاسادى. تاعدىردىڭ جازۋىمەن ءارتۇرلى ۇلت پەن ۇلىس وكىلدەرى قونىستانعان قازاقستان – ءدال وسىنداي تاتۋلىق پەن كەلىسىمدى تۋ ەتكەن مەملەكەتتەردىڭ ءبىرى بولىپ سانالاتىندىعىن ماقتان ەتە الامىز.

قازاقستاندا ءوز انا تىلىندە جانە قازاق-ورىس تىلدەرىندە سويلەيتىن جۇزدەن استام ۇلت وكىلدەرى ءومىر سۇرەدى. ولاردىڭ ىشىندە ساۋساق بۇگىپ سانايتىن بولساق:  قازاق، ورىس، وزبەك، ۇيعىر، تاتار، نەمىس، كارىس جانە باسقا دا كوپتەگەن ەتنوستار بارلىعىنا كوز جەتكىزەمىز. تاۋەلسىزدىك اتقان تۇستا ولاردىڭ بارلىعى دا ءبىر شاڭىراق استىندا تاتۋ-ءتاتتى ءومىر ءسۇرىپ كەلەدى. بۇل قازاق بيلىگىنىڭ ەگەمەندىك جىلدارى قول جەتكىزگەن – ەلدەگى بەيبىت ساياسات پەن حالىقتىڭ ءوزارا سىيلاستىعىنىڭ ناتيجەسى بولىپ تابلادى دەسەك، استە ارتقى ايقاندىعىمىز ەمەس.

قازىر ءبىزدىڭ ەلىمىزدە قالىپتاسىپ وتىرعان ۇلتارالىق تاتۋلىقتىڭ قالىپتاسۋىندا ەڭ باستى ءرولدى ءوزارا قۇرمەت پەن تۇسىنىستىك اتقارادى دەۋىمىزگە بەرىك نەگىز بار. اينالاعا كوز تىگەتىن بولساق، ايقىن اڭعاراتىن ءبىر نارسەمىز ءار حالىقتىڭ ءتىلى، ءدىنى، مادەنيەتى مەن سالت-ءداستۇرى بار. ەگەر ءار ەلدەگى بيلىك ءوز تاراپىنان ءبىز ءسوز ەتىپ كەتكەن ۇلتتىق ەرەكشەلىكتەردى قادىرلەپ، ءبىر-ءبىرىن سىيلاۋ قوعامداعى بىرلىكتى نىعايتادى. تاتۋلىق بار جەردە دوستىق، ىنتىماق تا ءھام وركەندەپ دامۋ دا بولادى.

جاستار دا ۇلتارالىق تاتۋلىقتى ساقتاۋدا ماڭىزدى ءرول اتقارادى. ولار ءوزارا دوستىق قارىم-قاتىناس ورناتىپ، ءتۇرلى مادەني شارالارعا قاتىسىپ، ءار ۇلتتىڭ ءداستۇرىن تانىپ-ءبىلۋى كەرەك. بۇل – بولاشاقتا بەيبىت ءارى تۇراقتى قوعام قالىپتاستىرۋعا كومەكتەسەدى.

ۇلتارالىق كەلىسىم - كەز كەلگەن مەملەكەتتىڭ بەيبىتشىلىگى مەن تۇراقتىلىعىنىڭ باستى شارتى. قازاقستان - كوپۇلتتى ەل. مۇندا جۇزدەن استام ۇلت پەن ۇلتتىڭ وكىلدەرى تۇرادى. ولاردىڭ بارلىعى ورتاق وتانىمىزدىڭ بىرلىگى مەن بەيبىتشىلىگىن ساقتاۋعا ءوز ۇلەستەرىن قوسۋدا.

اتا-بابالارىمىز بەيبىت ءومىردى ءاردايىم جوعارى باعالاپ، كەلىسىمدى باستى قۇندىلىق دەپ سانايدى. قازىرگى ۇرپاق وسى ءداستۇردى جالعاستىرىپ، ءتۇرلى ەتنوستاردىڭ ءتىلىن، ءدىنىن، سالت-ءداستۇرىن قۇرمەتتەۋدى ءوز بورىشى دەپ سانايدى. ءبىزدىڭ مەملەكەتىمىز ءاربىر حالىقتىڭ مادەنيەتىن دامىتۋعا جاعداي جاساپ، ۇلتتىق مەرەكەلەر مەن داستۇرلەردى ناسيحاتتاۋدى قولدايدى.

ۇلتارالىق كەلىسىم - بۇل جاي عانا قاعازداعى تۇجىرىمداما ەمەس. بۇل - كۇندەلىكتى ومىردەگى ءوزارا تۇسىنىستىك، قۇرمەت جانە قولداۋ. ءاربىر ازامات ۇلتىنا قاراماستان ءوزىن تەڭ سەزىنىپ، ەلدىڭ دامۋىنا ءوز ۇلەسىن قوسا الاتىن بولسا، بۇل ناعىز كەلىسىمنىڭ كورىنىسى.

قازىرگى جاھاندانۋ داۋىرىندە ىشكى بىرلىكتى ساقتاۋ - ماڭىزدى مىندەت. الەمدەگى ءتۇرلى قاقتىعىستار جاعدايىندا ءبىزدىڭ ەلىمىزدىڭ بەيبىتشىلىگى مەن تۇراقتىلىعى - باعا جەتپەس يگىلىك. سوندىقتان دا ءبىزدىڭ ارقايسىمىز بىرلىكتى ساقتاۋعا، ءوزارا قۇرمەت پەن كەلىسىمدى نىعايتۋعا ءوز ۇلەسىمىزدى قوسۋعا ءتيىسپىز.

«بىرلىك بار جەردە ءومىر بار»، - دەلىنگەن حالىقتىق دانالىقتا. سوندىقتان ۇلتارالىق كەلىسىم مەن دوستىقتى ساقتاۋ - مەملەكەت پەن بيلىكتىڭ عانا ەمەس، ءاربىر ازاماتتىڭ پارىزى. ەگەر ءبىزدىڭ بىرلىگىمىز بەرىك بولسا، ال كەلىسىمىمىز تۇراقتى بولسا، قازاقستاننىڭ بولاشاعى جارقىن بولادى.

قورىتا ايتقاندا، ۇلتارالىق تاتۋلىق – ەلىمىزدىڭ ەڭ ۇلكەن بايلىعى. بىرلىك پەن كەلىسىم بار جەردە مەملەكەت تە، حالىق تا داميدى. سوندىقتان ءار ازامات تاتۋلىقتى ساقتاپ، ءوزارا قۇرمەت پەن تۇسىنىستىكتى نىعايتۋعا ۇلەس قوسۋعا ءتيىس.

Abai.kz