11 ناۋرىزدا كەشكە يرانشىل شيتتىك "حەزبوللا" توبى (اقش، يزرايل، كانادا، ەگيپەت جانە بىرقاتار ەلدە تەرروريستىك ۇيىم دەپ تانىلعان) ليۆاننىڭ وڭتۇستىگىنەن ءيزرايلدىڭ سولتۇستىگىنە قاراي شامامەن ءجۇز راكەتا مەن ءبىراز درون جىبەردى. ازىرگە تولىق ەمەس مالىمەت بويىنشا ەكى ادام جەڭىل جارالانعان

بۇعان دەيىن سارسەنبى كۇنى ليۆان دەنساۋلىق ساقتاۋ مينيسترلىگى يزرايل ليۆاننىڭ شىعىسىنداعى بەكاا جازىعىن اتقىلاعاننان كەيىن كەمىندە 7 ادام قازا بولدى، 23 ادام جارالاندى دەپ مالىمدەگەن. ليۆاننىڭ شىعىسىندا "حەزبوللانىڭ" تىرەك پۋنكتەرى شوعىرلانعان.

يزرايل اسكەرى ونىڭ الدىندا سوندا تۇراتىن جانە ونىڭ ماڭىنداعى التى ەلدى مەكەن تۇرعىندارىنا ەسكەرتۋ جاريالاپ، سول جەردەن دەرەۋ كەتۋگە شاقىرعان دەپ ايتىلادى.

9 ناۋرىزدا تساحال ءيزرايلدىڭ سولتۇستىگىندەگى تۇرعىنداردى قورعاۋ ماقساتىندا جانە ء"ارى قاراي دا قورعانىس پوزيتسياسىن نىعايتۋ ءۇشىن" ليۆاننىڭ وڭتۇستىگىندەگى "حەزبوللاعا" قارسى "شەكتەۋلى قۇرلىق وپەراتسياسىن" باستاعان. يزرايل اسكەرىنىڭ ايتۋىنشا، ولار "تەرروريستىك ينفراقۇرىلىم وشاقتارىن انىقتاپ، جويۋمەن اينالىسپاق".

تساحال مالىمەتىندە قۇرلىق اسكەرى كىرمەي تۇرىپ اۋماقتى اتقىلاعانى جانە كوپتەگەن تەرروريستىك نىساندارعا اۋەدەن دە، جەردەن سوققى جاسالعانى" جازىلعان.

Abai.kz