قازاقستاندا ەلەكتروندىق اقپاراتتىق رەسۋرستارداعى قولجەتىمدىلىگى شەكتەۋلى دەربەس دەرەكتەردى قورعاۋ تالاپتارىن جەتىلدىرۋگە باعىتتالعان بۇيرىق جوباسى اشىق نقا پورتالىنا قوعامدىق تالقىلاۋعا شىعارىلدى. 

اتاپ ايتقاندا، وزگەرىستەر «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تسيفرلاندىرۋ، كولىك جانە كاسىپكەرلىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» 2026 جىلعى 9 قاڭتارداعى زاڭىن ىسكە اسىرۋ ماقساتىندا ەنگىزىلىپ وتىر.

— جوبانىڭ نەگىزگى ماقساتى — ەلەكتروندىق اقپاراتتىق رەسۋرستارداعى دەربەس دەرەكتەردى ساقتاۋ، وڭدەۋ جانە تاراتۋ پروتسەستەرىنىڭ قورعالۋ دەڭگەيىن ارتتىرۋ، — دەلىنگەن قۇجاتتا.

قۇجاتتى قابىلداۋ تەرىس الەۋمەتتىك-ەكونوميكالىق سالدارعا اكەلمەيدى. سونىمەن قاتار ونى ىسكە اسىرۋ قوسىمشا قارجىلىق شىعىنداردى تالاپ ەتپەيدى دەپ اتاپ وتىلگەن.

ايتا كەتەيىك، «دەربەس دەرەكتەر» ۇعىمىنىڭ انىقتاماسى ناقتىلاندى. ەندى وعان ەلەكتروندىق، قاعاز نەمەسە وزگە دە ماتەريالدىق تاسىمالداعىشتا تىركەلگەن، ناقتى نەمەسە انىقتالاتىن تۇلعاعا قاتىستى دەرەكتەر، سونىڭ ىشىندە بيومەتريالىق دەرەكتەر دە كىرەدى.

سونىمەن قاتار ۇكىمەتتىڭ كەڭەيتىلگەن وتىرىسىندا مەملەكەت باسشىسى ۇكىمەت ءتيىستى مەكەمەلەرمەن بىرگە ازاماتتاردىڭ دەرەكتەرىن قورعاۋ ماسەلەسىن كەشەندى تۇردە مۇقيات سارالاۋى ءتيىس دەگەن ەدى.

Abai.kz