جەتىسۋ وبلىسىندا «تازا قازاقستان» ەكولوگيالىق باعدارلاماسى اياسىندا «Eco Spring Action» ەكولوگيالىق اكتسياسى ۇيىمداستىرىلىپ، جوعارى دەڭگەيدە ءوتتى. اتالعان باستاما قوعامدا ەكولوگيالىق مادەنيەتتى قالىپتاستىرۋعا، قالدىقتاردى سۇرىپتاۋ داعدىسىن دامىتۋعا جانە تۇرعىنداردىڭ قورشاعان ورتاعا دەگەن جاۋاپكەرشىلىگىن ارتتىرۋعا باعىتتالدى.

اكتسيا جوڭعار الاتاۋى تاۋلارىنىڭ بوكتەرىندە ىسكە اسىرىلىپ، ارنايى ۇيىمداستىرىلعان ەكولوگيالىق سەنبىلىك جۇرگىزىلىپ، ەرىكتىلەر مەن جاستار قاۋىمى تابيعي اۋماقتى قوقىستان تازارتۋ جۇمىستارىن جۇرگىزدى. شارانىڭ نەگىزگى ماقساتى - قوعامدا ەكولوگيالىق مادەنيەتتى قالىپتاستىرۋ، قالدىقتاردى سۇرىپتاۋدىڭ ماڭىزدىلىعىن ءتۇسىندىرۋ جانە تۇرعىنداردىڭ قورشاعان ورتاعا دەگەن جاۋاپكەرشىلىگىن ارتتىرۋ بولدى.

اتالمىش ەكولوگيالىق اكتسياعا بارىسىندا 50-دەن استام ەرىكتىلەر مەن قاتىسۋشىلار پلاستيك، قاعاز، كيىم-كەشەك جانە ەلەكتروندى قالدىقتاردى جيناپ، ولاردى دۇرىس سۇرىپتاپ، قايتا وڭدەۋگە تاپسىردى. بۇل باستاما قورشاعان ورتانى قورعاۋ مادەنيەتىن قالىپتاستىرۋعا، تابيعاتتى ايالاۋ جاۋاپكەرشىلىگىن ارتتىرۋعا جانە جاستاردىڭ ەكولوگيالىق ساناسىن دامىتۋعا باعىتتالدى. ءىس - شارا سوڭىندا قاتىسۋشىلارعا ارنالعان جاستار كەشى ۇيىمداستىرىلىپ، مەرەكەلىك ءارى تانىمدىق باعدارلاما ۇسىنىلدى. ءىس - شارا اياسىندا تۇرعىندار دا ەكولوگيالىق اكتسياعا بەلسەنە قاتىسىپ، وزدەرىنە بەلگىلەنگەن اۋماقتاردان قالدىقتاردى جيناپ، ارنايى قابىلداۋ ورىندارىنا وتكىزدى.

ۇيىمداستىرۋشىلاردىڭ ايتۋىنشا، مۇنداي فورماتتاعى ەكولوگيالىق باستامالار تۇرعىنداردىڭ تابيعاتقا دەگەن كوزقاراسىن وزگەرتىپ، قوعامدا جاۋاپتى تۇتىنۋ مادەنيەتىن قالىپتاستىرۋعا ىقپال ەتەدى. سونىمەن قاتار مۇنداي اكتسيالار جاستاردىڭ قوعامدىق بەلسەندىلىگىن ارتتىرىپ، قورشاعان ورتانى قورعاۋ باعىتىنداعى ازاماتتىق جاۋاپكەرشىلىكتى نىعايتۋعا مۇمكىندىك بەرەدى.

- «Eco Spring Action» ەكولوگيالىق اكتسياسى تەك قوقىس جيناۋ شاراسىمەن شەكتەلمەي، ەكولوگيالىق اعارتۋشىلىق سيپاتتاعى ماڭىزدى باستاماعا اينالدى. مۇنداي يگى باستامالار ارقىلى قوعامدا ەكولوگيالىق مادەنيەتتى قالىپتاستىرۋعا، تابيعاتتى ايالاۋ قۇندىلىقتارىن دارىپتەۋگە جانە بولاشاق ۇرپاق ءۇشىن تازا ءارى قاۋىپسىز ورتا قالىپتاستىرۋعا ناقتى ۇلەس قوسىلۋدا.       «Eco Spring Action» اكتسياسى - جەتىسۋ وڭىرىندە ەكولوگيالىق جاۋاپكەرشىلىكتى ارتتىرۋعا باعىتتالعان ماڭىزدى قادامداردىڭ ءبىرى رەتىندە قالا تۇرعىندارىنىڭ كەڭ قولداۋىنا يە بولدى – دەپ اتاپ ءوتتى جەتىسۋ وبلىسى بويىنشا «قازاقستان ستۋدەنتتەرىنىڭ اليانسى» ومبۋدسمەنى قىزايباي اقەركە دوسىمحانقىزى.

Abai.kz