تىيىم اۋىل شارۋاشىلىعى ءمينيسترىنىڭ 2026 جىلعى 17 ساۋىردەگى №146 بۇيرىعىمەن قابىلداندى.

"قازاقستان رەسپۋبليكاسىنىڭ اۋماعىنا ەۋرازيالىق ەكونوميكالىق وداقتىڭ سىرتقى ەكونوميكالىق قىزمەتىنىڭ تاۋار نومەنكلاتۋراسى 040721 كودى بويىنشا تاۋىق جۇمىرتقالارىن بارلىق كولىك تۇرلەرىمەن ءۇشىنشى ەلدەردەن جانە ەۋرازيالىق ەكونوميكالىق وداققا مۇشە مەملەكەتتەردەن اكەلۋگە 6 اي مەرزىمگە تىيىم سالىنسىن", – دەلىنگەن قۇجاتتا.

بۇل شەشىم قازاقستان رەسپۋبليكاسىنىڭ "ساۋدا قىزمەتىن رەتتەۋ تۋرالى" جانە "ۇلتتىق قاۋىپسىزدىك تۋرالى" زاڭدارىنا، سونداي-اق ەۋرازيالىق ەكونوميكالىق وداق تۋرالى شارتتىڭ نورمالارىنا سايكەس قابىلداندى.

سونىمەن قاتار، بۇيرىقتا بىرقاتار ەرەكشەلىكتەر كوزدەلىپ وتىر. شەكتەۋلەر قازاقستان اۋماعى ارقىلى تاۋىق جۇمىرتقالارىن ترانزيتتەۋگە، سونداي-اق ولاردى ەاەو ەلدەرى اراسىندا رەسپۋبليكا اۋماعى ارقىلى تاسىمالداۋعا قولدانىلمايدى.

Abai.kz