فەيسبۋكتا 5000 جۋىق دوسىم جانە 35000 اسا جازىلۋشىلارىم بار ەكەن. حالىققا قاتىستى، مەملەكەتكە قاتىستى وزەكتى ماسەلە كوتەرسەڭ ماكسيمۋم مىڭ، ءارى كەتكەندە ەكى مىق قولداۋشى شىعادى، پىكىر ايتۋشىلار 500-عا جەتپەيدى.

سوندا قالعانى نەمقۇرايلىلار ما، “سەن تيمەسەڭ مەن تيمە، بادىراق كوز”،- دەپ وتىرعان، نەمەسە فەيك اككاۋنتتار ما باقىلاپ وتىرعان، نەمەسە ساعان قارسى توپ پا؟

سونىڭ ىشىندە نەمقۇرايلىلار 80% بولار؟!

مۇمكىن ورەسە جەتپەيتىن بولار دەيىن دەسەڭ، ءاي قايسىسىندا كەمىندە جوعارى وقۋىن بىتىرگەن ءبىر ديپلومى بار.

سوڭعى كەزدەگى ۆەيپ، لۋدومانيا، لگبت، بۇرالقى يت ماسەلەسىندە تۇيگەنىم، قورلىق كورىپ وتىرعان حالىق “زووقورعاۋشىلار” سياقتى ۇيىمشىل ەمەس ەكەن.

نەگە نەگىزىنەن قورلىق كورىپ وتىرعان قازاق قوعامى ۇيىمشىل ەمەس؟

ونىڭ دا سەبەبى بار سياقتى.

قازاق قوعامىندا ءبىر ازامات ەل ءۇشىن ماسەلە كوتەرسە نەمەسە قولداسا:

تۋىس، تانىس ارقىلى قىسىم كەلەدى;

ايىپپۇل، اكىمشىلىك ءىس;

كەرەك بولسا، قىلمىستىق ءىس قوزعايدى.

ءتىپتى ساۋالناما وتكىزسەڭ – «زاڭسىز» دەيدى.

ال «زووقورعاۋشىلار» شە؟

ايقاي، ەموتسيا، مانيپۋلياتسيا;

زاڭمەن قارالماعان ساۋالناما;

بىراق ەشقانداي جاۋاپكەرشىلىك جوق.

بيلىكتىڭ كەيبىر تارماقتارى ەسكەرتۋ جاساماق تۇگىلى، سولاردىڭ جەتەگىندە كەتىپ وتىر.

بىرەۋ سويلەسە – جازا. بىرەۋ ايقايلاسا – قولداۋ.

سوندا زاڭ بارىنە بىردەي مە، الدە تاڭداۋلىلارعا بولەك پە؟

ەل قامىن جەگەن ەرلەردىڭ، ءسوز بىلەتىن جاندا قاقى بار.

بىراق، ءسوز بىلەتىن جانداردى قىسىپ تاستاعان جوقپىز با، الدە قۇرسىن ەشتەڭە وزگەرمەيدى دەپ ءبارى كۇدەرىن ءۇزىپ، قولدارىن ءبىر سىلتەدى مە ەكەن؟

بۇلاي كەتە بەرسەك قوعامنىڭ باسىن بىرىكتىرىپ، ەلدىك ماسەلەنى شەشۋ مۇمكىن بولمايدى. ءار ايقايعا بايلانىستى ءبىر شەتتەن ەكىنشى شەتكە سەكىرىپ، تەك تىنىش بولسىن دەپ، جۇيەسىز شەشىم قابىلداي بەرەمىز بە؟

نيەت، تىلەك، ماقسات ءبىر بولماي ەلدىك ماسەلە شەشىلمەيدى!

كەشە قازاق اۆتونومياسى شەكاراسىنىڭ بىرتۇتاستىعىن جانقيارلىقپەن قورعاعان الاش قايراتكەرى، تۇڭعىش ماتەماتيكا پروفەسسورى ءالىمحان ەرمەكوۆ اتامىز بەن ونىڭ جۇبايىنىڭ زياراتىنا بارىپ، قۇران باعىشتادىم. جاندارى جاناتتا بولسىن!

ەلگە ءاليحاندار مەن ءالىمحاندار كەرەك، مىنەزسىزدەر مەن جالتاقتار كوبەيدى!

ەدىل جاڭبىرشين

Abai.kz