بۇگىن استاناداعى «قازمەديا ورتالىعى» عيماراتىندا قازاقستان تاريحىنداعى العاشقى قۇرىلتاي سايلاۋىنا قاتىساتىن ساياسي پارتيالار وكىلدەرىنىڭ قاتىسۋىمەن تەلەۆيزيالىق سايلاۋالدى دەبات باستالدى.

جوبا تىكەلەي ەفيردە «جەتىنشى ارنادا» كورسەتىلىپ جاتىر. دەباتتار باستالار الدىندا ساياسي پارتيالاردىڭ وكىلدەرى ءوز جاقتاستارىمەن جانە بۇقارالىق اقپارات قۇرالدارىنىڭ وكىلدەرىمەن كەزدەستى. سونداي-اق«جەتىنشى ارنانىڭ» تىكەلەي ەفيرىندە قاتىسۋشىلاردىڭ ءسوز سويلەۋ كەزەگىن انىقتايتىن اشىق جەرەبە تارتۋ ءراسىمى ءوتىپ، ونىڭ قورىتىندىسى بويىنشا دەباتتاعى ءسوز سويلەۋ رەتى بەلگىلەندى.

دەباتتاردىڭ نەگىزگى تاقىرىبى – ءبىلىم بەرۋ جۇيەسىن دامىتۋ.

جوبا ينتەراكتيۆتى فورماتتا ءوتىپ، قازاقستانداعى جەتى ساياسي پارتيانىڭ وكىلدەرىن بىرىكتىردى:

1. Respublica پارتياسى – مەيرامگۇل مادالي;

2. «اق جول» پارتياسى – دۋلات تاستەكەي;

3. جسدپ – ماكسۋت ناسيبۋلوۆ;

4. «ادىلەت» پارتياسى – راۋان كەنجەحانۇلى;

5. «بايتاق» پارتياسى – اسلان بايزاحانوۆ;

6. «اۋىل» پارتياسى – شاحماردان بايمانوۆ;

7. قازاقستاننىڭ حالىق پارتياسى – بەيبىت قۇسايىنوۆ.

دەباتتار ءتورت كەزەڭنەن تۇرادى.

ءبىرىنشى كەزەڭدە پارتيا وكىلدەرى وزدەرىنىڭ سايلاۋالدى

باعدارلامالارىن تانىستىرىپ، اشىق پىكىرتالاسقا قاتىسادى.

ەكىنشى كەزەڭ ءبىلىم بەرۋ جۇيەسىن دامىتۋعا قاتىستى ۇسىنىستاردى تالقىلاۋعا ارنالعان.

ءۇشىنشى كەزەڭدە قاتىسۋشىلار ستۋدياداعى كورەرمەندەردىڭ سۇراقتارىنا جاۋاپ بەرەدى. سوڭىندا سايلاۋشىلارعا قورىتىندى ۇندەۋ جاسايدى.

جوبانىڭ باستى ەرەكشەلىكتەرىنىڭ ءبىرى – كورەرمەندەردىڭ بەلسەندى قاتىسۋى. تىكەلەي ەفير بارىسىندا QR-كود ارقىلى ونلاين داۋىس بەرۋ ۇيىمداستىرىلعان. كورەرمەندەر «قاي پارتيا وكىلىنىڭ ءسوزى ءوتىمدى؟» دەگەن سۇراققا جاۋاپ بەرە الادى. داۋىس بەرۋدىڭ ارالىق ناتيجەلەرى ەكىنشى كەزەڭنەن كەيىن، ال قورىتىندىسى تىكەلەي ەفير سوڭىندا جاريالانادى.

تەلەۆيزيالىق دەباتتىڭ تىكەلەي ترانسلياتسياسى «جەتىنشى ارنانىڭ» ەفيرىندە، سونداي-اق ارنانىڭ رەسمي الەۋمەتتىك جەلىدەگى  پاراقشالارىندا كورسەتىلىپ جاتىر.

تىكەلەي ەفير سىلتەمەلەرى:

https://www.youtube.com/@TheSevenNews

https://www.youtube.com/@TheSevenChannel

https://www.tiktok.com/@tv7_kz

https://www.facebook.com/tv7kz

https://t.me/tv7_kaz

Abai.kz