رەسەيگە جىل باسىنان بەرگى ەڭ ءىرى درون شابۋىلى جاسالعانى حابارلاندى، - دەپ جازادى ازاتتىق راديوسى.

26 ماۋسىمعا قاراعان ءتۇنى اۋە قورعانىس جۇيەسى 660 ۋكراين درونىن ۇستاپ قۇلاتتى دەپ حابارلادى رەسەي قورعانىس مينيسترلىگى جۇما كۇنى.

ءوز ەسەبىنە سۇيەنگەن تاسس اگەنتتىگى تۇنگى شابۋىلدى ء"بىر جىل ىشىندەگى ەڭ ءىرى شابۋىل" دەپ اتادى.

رەسەي اسكەرىنىڭ حابارلاۋىنشا، بەلگورود، بريانسك، كۋرسك، ورلوۆ، كالۋگا، ليپەتسك، روستوۆ، ۆورونەج، تۋلا، ريازان، استراحان وبلىستارى، ماسكەۋ وبلىسى مەن اننەكسيالانعان قىرىم، قارا تەڭىز بەن ازوۆ تەڭىزى اۋماعىندا دروندار قۇلاتىلعان.

تۋلا وبلىسىندا گۋبەرناتوردىڭ سوزىنشە، 157 درون اتىپ تۇسىرىلگەن، نوۆوموسكوۆسكىدەگى ونەركاسىپ بۇلىنگەن. قالادا “ازوت” حيمزاۋىتى ورنالاسقان. بيلىك وعان شابۋىلدى ازىرگە راستامادى.

ۋكراين دروندارىنىڭ شابۋىلى كوكتەمدە جانە جازدىڭ باسىندا ۇدەگەن. مۇناي وڭدەۋ زاۋىتتارىنا سوققى جيىلەگەن تۇستا رەسەي ايماقتارىندا وتىن تاپشىلىعى سەزىلەدى.

Abai.kz