2026 جىلعى ماۋسىم ايىندا تۇرعىن ءۇيدى الىپ-ساتۋ بويىنشا 39 053 مامىلە تىركەلگەن. 2026 جىلعى مامىرمەن سالىستىرعاندا (30 420) مامىلەلەر سانى 28,4%-عا ءوستى. مامىلەلەر سانى بويىنشا الماتى (6 841 – 17,5%) جانە استانا (6 436 – 16,5%) قالالارى، سونىمەن قاتار، قاراعاندى وبلىسى (3 772 – 9,7%) كوش باستاپ تۇر. مامىلەلەر سانى ۇلىتاۋ وبلىسىندا ەڭ از – 360 مامىلە (0,9%) تىركەلگەن.

2026 جىلعى مامىرمەن سالىستىرعاندا ماۋسىمدا مامىلەلەر سانىنىڭ ءوسۋى بارلىق وڭىرلەردە بايقالادى. ەڭ جوعارعى ءوسىم ماڭعىستاۋ  (+67,4%), قاراعاندى (+43,4%) جانە اتىراۋ (+40,9%) وبلىستارىندا تىركەلدى.

كوپپاتەرلى ۇيلەردەگى تۇرعىن ءۇي مامىلەلەر سانى 2026 جىلعى مامىر ايىمەن سالىستىرعاندا 25,9% (6 051 مامىلەگە) ءوستى. 2026 جىلدىڭ ماۋسىم ايىندا پاتەرلەر بويىنشا بارلىعى 29 432 مامىلە جاسالدى، بۇل مامىلەلەردىڭ جالپى سانىنىڭ 75,4%. كوپپاتەرلى ۇيلەردەگى تۇرعىن ءۇي ساۋداسىنىڭ نەگىزگى ۇلەسى استانا (21,4%), الماتى (21,2%) قالالارىنا جانە قاراعاندى وبلىسىنا (10,5%) تيەسىلى. بولمەلەر سانى بويىنشا 1 بولمەلى پاتەرلەر ساتىلىمى باسىم بولدى – 11 348 مامىلە.

2026 جىلعى مامىرمەن سالىستىرعاندا ماۋسىمدا جەكە تۇرعىن ۇيلەر بويىنشا مامىلەلەر سانى دا 36,7% (2 582 مامىلەگە) ءوستى. ماۋسىمدا بارلىعى 9 621 مامىلە تىركەلگەن. جەكە تۇرعىن ۇيلەر بويىنشا مامىلەلەر سانىنىڭ ءوسىمى، شىعىس قازاقستان وبلىسىن (-1,4%) قوسپاعاندا، بارلىق وڭىرلەردە تىركەلدى.

Abai.kz