سايلاۋالدى ۇگىت-ناسيحات ناۋقانى اياسىندا «اق جول» دەموكراتيالىق پارتياسىنىڭ توراعاسى دانيا ەسپاەۆا قۇرىلتاي دەپۋتاتتىعىنا ۇمىتكەرلەرمەن بىرگە قاراعاندى وبلىسىنا جۇمىس ساپارىن باستادى.

العاشقى كەزدەسۋ «سارىارقا» ارنايى ەكونوميكالىق ايماعىندا ورنالاسقان «Seven Refractories Asia» جشس-دە ءوتتى. مەتاللۋرگيا ونەركاسىبىنە ارنالعان وتقا ءتوزىمدى ماتەريالدار وندىرۋگە ماشىقتانعان بۇل كاسىپورىن – وڭىردەگى زاماناۋي ونەركاسىپ ورىندارىنىڭ ءبىرى. وسى جەردە مەكەمەنىڭ ەڭبەك ۇجىمىمەن جۇزدەسۋ ۇيىمداستىرىلدى. قالىپتاسقان يگى ءداستۇر بويىنشا دانيا ەسپاەۆانى ادەمى گۇل شوعىمەن، ىستىق ىقىلاسپەن قارسى الدى.

جيىن بارىسىندا پارتيا وكىلدەرى سايلاۋالدى باعدارلامانىڭ نەگىزگى قاعيدالارىن تانىستىرىپ، وتاندىق ءوندىرىستى دامىتۋ، كاسىپكەرلىكتى قولداۋ، جاڭا جۇمىس ورىندارىن اشۋ، سالىق ساياساتىن جەتىلدىرۋ جانە ونەركاسىپتى وركەندەتۋ ءۇشىن قولايلى جاعداي جاساۋ ماسەلەلەرىنە ەرەكشە نازار اۋداردى.

كەزدەسۋگە قاتىسۋشىلار وندىرىستىك كاسىپورىنداردىڭ جۇمىسى، ونەركاسىپتىك الەۋەتتى ارتتىرۋ، بىلىكتى ماماندار دايارلاۋ جانە وتاندىق وندىرۋشىلەردىڭ باسەكەگە قابىلەتتىلىگىن ودان ءارى نىعايتۋ سياقتى وزەكتى ماسەلەلەردى تالقىلادى.

جۇمىسشىلاردىڭ سۇراقتارىنا جاۋاپ بەرە وتىرىپ، دانيا ەسپاەۆا ەكونوميكانىڭ ناقتى سەكتورىن دامىتۋ، قازاقستاندىق وندىرۋشىلەرگە قولداۋ كورسەتۋ جانە ءوندىرىس اۋقىمىن كەڭەيتۋگە جاعداي جاساۋ – «اق جول» دەموكراتيالىق پارتياسىنىڭ سايلاۋالدى باعدارلاماسىنداعى ەڭ باستى باعىتتار ەكەنىن قاداپ ايتتى.

جيىن سوڭىندا تاراپتار ونەركاسىپتى دامىتۋدىڭ كەلەشەگى تۋرالى پىكىر الماسىپ، ەلىمىزدىڭ ەكونوميكالىق تۇراقتى ءوسۋى ءۇشىن مەملەكەت، بيزنەس جانە ەڭبەك ۇجىمدارىنىڭ ءوزارا ءىس-قيمىلىن ودان ءارى جالعاستىرۋدىڭ ماڭىزدىلىعىن اتاپ ءوتتى.

ەسكەرتۋ: ماتەريالدىڭ اقىسى «اق جول» - قازاقستاننىڭ دەموكراتيالىق پارتياسىنىڭ سايلاۋالدى شتابى قورىنان تولەندى.

Abai.kz