ەۋرازيالىق ۇكىمەتارالىق كەڭەستىڭ وتىرىسى بارىسىندا اگروونەركاسىپتىك كەشەن سالاسىنداعى ىنتىماقتاستىق ماسەلەلەرى قارالدى.

اگرارلىق كۇن تارتىبىندە ءۇش نەگىزگى باعىت كورسەتىلگەن. ولار: ەاەو نارىعىنىڭ نەگىزگى ءونىم تۇرلەرىمەن ءوزىن-ءوزى قامتاماسىز ەتۋى، اوك-تە پايدالانىلاتىن ماتەريالدىق-تەحنيكالىق رەسۋرستاردىڭ يمپورتىن الماستىرۋ جانە وداققا مۇشە مەملەكەتتەردىڭ اۋىل شارۋاشىلىعىن ودان ءارى دامىتۋ تاسىلدەرى. قازاقستان الەمدەگى جەتەكشى استىق ەكسپورتتاۋشىلاردىڭ وندىعىنا كىرەدى جانە اگروونەركاسىپتىك كەشەن ونىمدەرىن سىرتقى نارىقتارعا جەتكىزۋدى دايەكتى تۇردە ارتتىرىپ كەلەدى.

«ءبىز استىقتىڭ نەگىزگى ەكسپورتتاۋشىلارىنىڭ ءبىرىمىز، العاشقى وندىققا كىرەمىز. وتكەن جىلدىڭ قورىتىندىسى بويىنشا اوك ءونىمىنىڭ ەكسپورتى $7 ملرد قۇرادى، ونىڭ 51%-ى وڭدەلگەن ءونىم، ياعني اۋىل شارۋاشىلىعىنداعى دايىن ونىمدەر. جالپى، ءبىز الداعى ۋاقىتتا اوك ونىمدەرىنىڭ سىرتقى ەلدەرگە ەكسپورتى كولەمىن كەڭەيتىپ، قايتا وڭدەۋدى دامىتاتىن بولامىز»، - دەدى اۋىل شارۋاشىلىعى ۆيتسە-ءمينيسترى نازگۇل حاتەپوۆا.

Abai.kz