اقش ۆيتسە-پرەزيدەنتى دجەي دي ۆەنستىڭ سۇراۋىنان كەيىن ۋكراينا رەسەيدىڭ قارا تەڭىزدەگى نوۆوروسسيسك پورتىن قولداناتىن تانكەرلەرگە شابۋىلدى توقتاتقان. بۇل تۋرالى ۋكراينا شەنەۋنىكتەرىنە سىلتەپ Financial Times گازەتى حابارلادى.

كقك-عا شابۋىل قاشان جاسالدى؟

ۋكراينا كقك ماڭىنداعى تانكەرلەرگە 17,19 جانە 21 شىلدەدە شابۋىلداعان. وسىدان سوڭ كاسپي قۇبىر كونسورتسيۋمى (كقك) قازاقستان مۇنايىن قابىلداۋدى توقتاتقان ەدى. قازاقستان سىرتقى ىستەر مينيسترلىگى كقك ينفراقۇرىلىمىنا شابۋىل جاساۋدى دەرەۋ دوعارۋدى تالاپ ەتىپ، مۇنى قازاقستاننىڭ "ەكونوميكالىق مۇددەلەرىنە قول سۇعۋ" دەپ سيپاتتاعان، بىراق ناقتى ەلدى اتاماعان.

اقش پەن قازاقستاننىڭ تالقىسى

30 شىلدەدە قازاقستان سىرتقى ىستەر ءمينيسترى ەرمەك كوشەرباەۆ اقش مەملەكەتتىك حاتشىسى ماركو رۋبيومەن تەلەفون ارقىلى سويلەسىپ، كقك اينالاسىنداعى جاعدايدى تالقىلاعان ەدى. 8 تامىزدا Bloomberg اگەنتتىگى دەرەككوزدەرىنە سىلتەپ، ۋكراينا اقش وكىلدەرىمەن كەلىسسوزدەن سوڭ كقك جانە قارا تەڭىزدەگى رەسەيگە قاتىسى جوق تانكەرلەرگە سوققى جاساماۋعا كەلىستى دەپ جازعان ەدى.

قۇبىردىڭ قازاقستان ءۇشىن ماڭىزى قانداي؟

1500 شاقىرىمدىق قۇبىر قازاقستاننىڭ باتىسىندا وندىرىلگەن مۇنايدى قارا تەڭىزدەگى نوۆوروسسيسك پورتىنا جەتكىزەدى. امەريكالىق ءىرى كومپانيالار Chevron مەن ExxonMobil قازاقستاننىڭ باتىسىندا وندىرىلەتىن مۇنايدىڭ باسىم بولىگىن وسى قۇبىر ارقىلى ەكسپورتتايدى. ال جالپى قازاقستان مۇنايىنىڭ 80% كقك ارقىلى تاسىمالدانادى.

دەرەككوزى: ازاتتىق راديوسى

Abai.kz