عىلىمي قاۋىمداستىق وكىلدەرى ازاماتتاردى 23 تامىزدا وتەتىن قۇرىلتاي سايلاۋىنا بەلسەندى قاتىسۋعا شاقىردى. مامانداردىڭ پىكىرىنشە، ءار ازاماتتىڭ ءوز تاڭداۋىن جاساۋى – ەلدىڭ دامۋى مەن بولاشاعىنا ۇلەس قوسۋدىڭ ماڭىزدى جولدارىنىڭ ءبىرى.

سپيكەرلەر قۇرىلتايدىڭ تاريحي ماڭىزىنا توقتالىپ، ونىڭ قازاق حالقىنىڭ تاريحىندا ماڭىزدى شەشىمدەر قابىلداناتىن كەڭەس رەتىندە قالىپتاسقانىن اتاپ ءوتتى. بۇگىندە قۇرىلتاي حالىق پەن بيلىك اراسىنداعى ءوزارا بايلانىستى نىعايتاتىن ماڭىزدى ينستيتۋت رەتىندە قاراستىرىلادى.

عىلىمي قاۋىمداستىق وكىلدەرىنىڭ ايتۋىنشا، ەلىمىزدە رەفورمالار مەن جاڭعىرۋ ۇدەرىستەرى ءجۇرىپ جاتقان كەزەڭدە ازاماتتاردىڭ ساياسي بەلسەندىلىك تانىتىپ، ءوز داۋىعىن بەرۋى ماڭىزدى. ولاردىڭ پىكىرىنشە، جاڭا ينستيتۋت زاڭنامالىق ۇدەرىستى جەتىلدىرىپ، شەشىمدەردىڭ ءتيىمدى ءارى جەدەل قابىلدانۋىنا ىقپال ەتۋى مۇمكىن.

«ەگەر ءبارىمىز وركەندەگەن، زاماناۋي قازاقستاندى قۇرۋدى قالاساق، الداعى سايلاۋعا ۇلكەن جاۋاپكەرشىلىكپەن قاراۋىمىز قاجەت. سەبەبى وتانىمىزدىڭ بولاشاعى – ءوز قولىمىزدا»، – دەدى سپيكەر.

سونداي-اق عالىمدار مەن ساراپشىلار ازاماتتاردى ەلدىڭ دامۋىنا ۇلەس قوسىپ، 23 تامىزدا وتەتىن سايلاۋعا قاتىسۋعا شاقىردى. ولاردىڭ ايتۋىنشا، قوعامنىڭ بەلسەندىلىگى مەن ازاماتتاردىڭ ورتاق شەشىم قابىلداۋعا قاتىسۋى ەل بولاشاعىن قالىپتاستىرۋدا ماڭىزدى ءرول اتقارادى.

Abai.kz