الەۋمەتتىك جەلىدەگى مالىمدەمەسى ءۇشىن اكىمشىلىك جاۋاپكەرشىلىككە تارتىلعان رەسەيلىك ستريمەر قازاقستاننان كەتتى. وعان ەلگە كىرۋگە بەس جىلعا شەكتەۋ قويىلدى، دەپ حابارلايدى turkystan.kz.

استانا قالاسى پوليتسيا دەپارتامەنتىنىڭ Instagram-داعى پاراقشاسىندا شەتەل ازاماتىن دەپورتاتسيا جاساۋ كەزىندە تۇسىرىلگەن ۆيدەو جاريالاندى. بۇعان دەيىن سوت ونى الەۋمەتتىك جەلىدەگى ارانداتۋشىلىق جانە ادەپكە جاتپايتىن پىكىرلەرى ءۇشىن اكىمشىلىك جاۋاپكەرشىلىككە تارتقان ەدى.

وعان قازاقستانعا بەس جىل مەرزىمگە كىرۋگە شەكتەۋ قويىلدى.

«زاڭ تالاپتارىن ساقتاۋ جانە ەلگە قۇرمەتپەن قاراۋ – بارشاعا ورتاق مىندەت»، - دەلىنگەن حابارلامادا.

ايتا كەتەيىك، جەلىگە مونيتورينگ جۇرگىزۋ بارىسىندا شەت مەملەكەتتىڭ ازاماتى گ.ك.-نىڭ ارانداتۋشىلىق جانە ادەپكە جاتپايتىن پىكىرلەر ايتقان تىكەلەي ەفيرلەرى انىقتالعان ەدى.

سوت شەشىمىمەن شەتەل ازاماتىنا ايىپپۇل سالىندى.

Abai.kz