بالقاش كولىنىڭ جاعالاۋىندا ەلدەگى «زاڭ مەن ءتارتىپ» يدەولوگەماسى مەن «تازا قازاقستان» جالپىۇلتتىق باستاماسىن ىسكە اسىرۋ ماقساتىندا «قاۋىپسىز جاعالاۋ» اكتسياسى ۇيىمداستىرىلدى.

ازاماتتاردىڭ قاۋىپسىزدىگىن قامتاماسىز ەتۋ مەن قوعامدىق ءتارتىپتى ساقتاۋعا باعىتتالعان بۇل شارا پروكۋراتۋرا، توتەنشە جاعدايلار ءبولىمى جانە پوليتسيا قىزمەتكەرلەرىنىڭ بىرلەسۋىمەن ءوتتى. شارا بارىسىندا دەمالۋشىلارعا سۋ ايدىندارىنداعى قاۋىپسىزدىك ەرەجەلەرى ءتۇسىندىرىلىپ، بالالاردى قاراۋسىز قالدىرماۋ جانە ساقتىق شارالارىن ۇستانۋ قاجەتتىگى ەسكەرتىلدى.

سونىمەن قاتار، اكتسيا اياسىندا اۋقىمدى سەنبىلىك ۇيىمداستىرىلىپ، كول جاعالاۋىن تازالاۋعا 70-تەن استام ادام بەلسەنە قاتىستى. شاشىلعان قوقىستار جينالىپ، دەمالۋشىلارعا قورشاعان ورتانى لاستاماۋ، قوقىستى تەك ارنايى ورىندارعا تاستاۋ جانە تابيعي اۋماقتارعا ۇقىپتى قاراۋ جونىندە ءتۇسىندىرۋ جۇمىستارى جۇرگىزىلدى.

تازالىق پەن قاۋىپسىزدىك – ءبىر-بىرىمەن تىعىز بايلانىستى، قوعامنىڭ يگىلىگىنە قىزمەت ەتەتىن ورتاق قۇندىلىقتار. جاعالاۋدىڭ تازالىعىن ساقتاۋ، تابيعاتتى قورعاۋ جانە زاڭ تالاپتارىن ورىنداۋ – ءاربىر ازاماتتىڭ مىندەتى.

تازا جاعالاۋ – قاۋىپسىز جاعالاۋ! تازا قازاقستان – ورتاق مىندەت! زاڭ مەن ءتارتىپ – قاۋىپسىز قوعامنىڭ نەگىزى!

Abai.kz