2026 جىلعى 17-21 تامىز ارالىعىندا الماتى قالاسىندا «بالالار مەن جاسوسپىرىمدەر اراسىنداعى پسيحيكالىق دەنساۋلىقتى نىعايتۋ جانە سۋيتسيدتىك مىنەز-قۇلىقتىڭ الدىن الۋ» باعدارلاماسىن ىسكە اسىرۋ اياسىندا ءبىلىم بەرۋ ۇيىمدارىنىڭ پسيحولوگتارىن وقىتۋ ءوتتى.

ءىس-شارانى يۋنيسەف-ءتىڭ قولداۋىمەن قالالىق پسيحولوگيالىق قولداۋ ورتالىعى ۇيىمداستىردى.

وقىتۋ بالالار مەن جاسوسپىرىمدەر اراسىنداعى سۋيتسيد قاۋپىن ەرتە انىقتاۋ جانە ونىڭ الدىن الۋعا ارنالعان «سەنىمدى دوس» باعدارلاماسى بويىنشا وتكىزىلدى. كۋرس بارىسىندا ماماندار سۋيتسيدتىك مىنەز-قۇلىقتىڭ الدىن الۋعا وقۋ ورنىنىڭ ءاربىر قىزمەتكەرى جۇمىلدىرىلۋى ءتيىس دەگەن ءتاسىلدى مەڭگەردى.

قاتىسۋشىلار جاسوسپىرىمدەردىڭ سىرت كەلبەتىندەگى، مىنەز-قۇلقىنداعى، ەموتسيونالدىق جاي-كۇيى مەن سوزدەرىندەگى الاڭداتارلىق بەلگىلەردى تانۋعا ەرەكشە نازار اۋدارا وتىرىپ، ارەكەت ەتۋ الگوريتمدەرىن زەرتتەدى. پسيحولوگتار داعدارىس جاعدايىنداعى بالامەن سەنىمدى قارىم-قاتىناس ورناتۋ — ونىڭ سەزىمدەرىن قۇنسىزداندىرۋدى، سالىستىرۋدى جانە ايىپتاۋدى تولىعىمەن جوققا شىعاراتىن بايلانىس قۇرۋ داعدىلارىن پىسىقتادى.

تاجىريبەلىك ساباقتاردا ناقتى كەيستەرگە تالداۋ جاسالدى. ول اقپاراتتى جاسىرۋ نەمەسە مامان ەمەس ادامداردىڭ پسيحولوگ ءرولىن ءوز موينىنا الۋ ارەكەتتەرى قايعىلى سالدارعا اكەلۋى مۇمكىن ەكەنىن ايقىن كورسەتتى. سونداي-اق قاتىسۋشىلار ۋاقتىلى كاسىپارالىق ءوزارا ءىس-قيمىلدىڭ ماڭىزدىلىعىن جانە بالالارعا قولداۋ الۋ ءۇشىن تاۋلىك بويى جۇمىس ىستەيتىن 111 بايلانىس ورتالىعىنا جۇگىنۋدى ۇسىنۋ قاجەتتىلىگىن تالقىلادى.

Abai.kz