مەملەكەت باسشىسىنىڭ جارلىعىمەن ەرمەك ساعىمباەۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى لاۋازىمىنا تاعايىندالدى، دەپ حابارلايدى اقوردا.

ەرمەك الدابەرگەنۇلى 1967 جىلعى 11 قازاندا الماتى وبلىسىندا دۇنيەگە كەلگەن.

1989 جىلى قازاق پوليتەحنيكالىق ينستيتۋتىن، 2007 جىلى ءال-فارابي اتىنداعى قازاق ۇلتتىق ۋنيۆەرسيتەتىن بىتىرگەن.

1994-2006 جىلدارى ۇلتتىق قاۋىپسىزدىك ورگاندارىندا ءتۇرلى وفيتسەرلىك لاۋازىمداردا قىزمەت اتقاردى.

2006-2019 جىلدارى قر پرەزيدەنتى كۇزەت قىزمەتىندە وفيتسەرلىك جانە باسشىلىق قىزمەتتەر اتقارعان.

2019-2021 جىلدارى مەملەكەتتىك كۇزەت قىزمەتى باستىعىنىڭ ورىنباسارى – قر پرەزيدەنتى كۇزەت قىزمەتىنىڭ باستىعى بولدى.

2021-2022 جىلدارى مەملەكەتتىك كۇزەت قىزمەتى باستىعىنىڭ مىندەتىن اتقارۋشى، كەيىن مەملەكەتتىك كۇزەت قىزمەتىنىڭ باستىعى قىزمەتىن اتقاردى.

2022 جىلعى قاڭتاردان باستاپ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى قىزمەتىن اتقارىپ كەلەدى.

ەرمەك ساعىمباەۆ ءىى دارەجەلى «داڭق» وردەنىمەن، ۆەدومستۆولىق جانە مەرەيتويلىق مەدالدارمەن ماراپاتتالعان. قر مەملەكەتتىك كۇزەت قىزمەتىنىڭ قۇرمەتتى قىزمەتكەرى.

2020 جىلى پرەزيدەنت جارلىعىمەن مەملەكەتتىك كۇزەت قىزمەتىنىڭ گەنەرال-مايورى، ال 2022 جىلى ۇلتتىق قاۋىپسىزدىك گەنەرال-لەيتەنانتى اسكەري اتاعى بەرىلگەن.

قازاق جانە ورىس تىلدەرىن مەڭگەرگەن.

Abai.kz