بۇگىن Abai.kz اقپاراتتىق پورتالى «ادەبيەت» ايدارىندا اقىن شاھيدوللا سامۇراتۇلىنىڭ (ش.بوكەي) ولەڭدەرىن ۇسىنىپ وتىرمىز...

سارى كۇز

وتىامىن وڭاشا ويلانىپ ،
قياالدىڭ بوساتىپ تىزگىنىن.
ءجايما - شۋاق جاز ءوتىپ،
كەلىپتى سارعايعان كۇزگى كۇن
ءسارى كۇز، سارى كۇز،
ساپ-سارى ساعىنىش .
سارعايعان سەزىمدەر،
سارقىلعان توزىمدەر،
كەمپىردەي اڭساعان قىز كۇنىن.

باپتالعان جۇيرىكتەي،
قۇيرىق-جالى سۇزىلگەن.
سامالمەن ىرعالار اق قايىڭ،
جاپىرىعى ۇزىلگەن.
سارعايعان جاپىراق،
ساپ-سارى اتىراپ.
ساعىنىش سازىنداي،
ارۋدىڭ نازىنداي،
قازداردىڭ كەرۋەنى تىزىلگەن.

ساعنىش سەزىمى،
جۇرەكتى ەزەدى.
سارىنعا ۇلاسىپ،
اسەم ءان قىر اسقان،
جەر-جاھان گۇل اشقان.
كوكتەمگە كوڭىلىم،
ءتۇرادى تىم اسىق.

سارايىم اشىلماس،
سارىعىم باسىلماس.
سارى قىمىز ىشپەسەم،
ءسارىندى ءومىرىم،
ساعىنىش كوڭىلىم،
ۇقسايسىڭ سارى كۇزگە سەن.
ءسارى كۇز، سارى كۇز، سارى كۇز...

سارى كۇزگى ساعىنىش

ارمىسىزدار تۋسقاندار ءبىر تۋعان،
سەندەرگە ايتار كوڭىلدە كوپ سىر تۇنعان.
ايلاپ،جىلداپ جۇرسەمداعى الىستا،
تىلەكتەس بوپ جۇرەم ىلعي سىرتىڭنان.

ءبىر تۋ بار،بىرگە جۇرۋ جوق ەكەن،
ەكى جاققا ايىرلادى جول ەرتەڭ·
بالتىر سىزداپ،باس اۋىرعان شاقتاردا،
بايتەرەكتەي سايا بولعان كولەڭكەڭ.

كەۋدە بولەك،جۇرەگىمىز قايناسقان،
كوڭىلىمىز كىرشىگى جوق ايلى اسپان.
تاعىدىرىمىز ەكى بولەك بولعانمەن،
ءومىرىمىز ءبىر قازىققا بايلاسقان.

ءبىر اتادان تۋعانانسوڭ ءبارىمىز،
ورتاق ەكەن قانىمىز بەن جانىمىز.
جىل اينالىپ كەلدى مىنە تاعى ءبىر،
ساعىنىشىم سياقتالعان سارى كۇز.

سازدى اۋەندى قايتقان قۇستار تىزبەگى،
ساعىنشتىڭ ۇنىندەي بوپ بىزدەگى.
ساعىنشتان قۇلازيدى كوڭىلىم،
سارعىش تارتقان سار دالاداي كۇزدەگى.

جۇرەگىندە جوق كىربەڭدىك،ارمدىق،
اينالايىن تۋعان ەلىم،تامام جۇرىت.
ساعىنىشپەن تىلەيتىنىم بارىڭە،
باۋىر بۇتىن،بولسىن
ماڭگى اماندىق.

سارى جاپىراق - سارى كۇز

سان قۇبىلىپ سارى كۇزدىڭ رەڭى،
قوشقىل بۇلت كوك اسپاندا تۇنەردى.
تابىلارداي ساياباققا جول تارتتىم-
قۇلازىعان كوڭىلىمنىڭ ءبىر ەمى.

تالانتىمەن تاۋىن جىققان تالايدىڭ،
ساياباعى ساڭلاق ۇلى ابايدىڭ -
ىعى-جىعى توپىرلاعان ادامدار،
مۇسىنىنە كوزىم تويماي قارايمىن.

بار الەمدىك پوەزيا ۇلگىسى،
(ەشكىمگەدە ءتىل قاتپايدى بۇل كىسى).
تەڭىزدەيىن تەرەڭ ويعا شومىلىپ،
كەلەتىندەي ءبىر نارسەنى بىلگىسى.

كوزىم كورىپ كۋا بولدىم مىناعان،
باقشا تولا سارى جاپىراق سۇلاعان.
اياعىمەن تاپتاپ ءوتىپ بارادى،
نازار سالىپ قاراماستان ءبىر ادام.

كۇزگى كۇنگى ميۋا باقتاي جەمىستەپ،
كوبىك قيال كوپ نارسەنى تەرىستەپ.
ەشتەڭەگە تاعات تاپپاي و عاجاپ،
ويىم كەتتى سونى قۋىپ ورىستەپ.

ءمىنا ادامدار تۇسىنبەيدى-اۋ بۇل مەنى،
(ورانىپ اپ ۇلدە مەنەن بۇلدەنى).
جالعىز ءوزىم تىنىمسىز ءبىر كۇي كەشتىم،
شىرىلداعان شەگىرتكەدەي تۇندەگى.

تۇسىنبەيدى،تۇسىنبەيدى ادامدار،
(وعان بولا ءجونىم جوق قوي جاماندار).
نە بولادى مەنىڭ جالعىز شىرىلىم،
سەندەرگە اللا سانا بەرسىن جاراندار.

دەپ كۇبىرلەپ ءوز-ءوزىمدى جۇباتتىم،
بۇل ارادان كەتكىم كەلىپ جىراق تىم.
ءمولدىر كوڭىل الدە نەگە كوبەڭسىيىت،
تاۋدان اققان سۋىنداي تاس بۇلاقتىڭ.

جاستىق شاقتا اسىپ-تاسىپ تولارسىڭ،
قارتايۋ بار ول دا باستا بولار شىن.
ەي ادامدار سەندەرداعى ءبىر كۇنى،
سارى جاپىراق سياقتانىپ سولارسىڭ.

تۇس جاپىراق ول دا اللانىڭ قالاۋى،
(ماڭگى جانباس ءومىرىڭنىڭ الاۋى).
سۇلاپ جاتقان سارى جاپىراق سياقتى،
عۇمىرىڭنىڭ ساعاتتارى ساناۋلى.

اككى اڭشىداي ۋلى ۋاقىت تور جايىپ،
ءومىرىڭدى كەمىرەدى بورداي قىپ.
تۇسپەي تۇرىپ ويلانىڭدار ادامدار،
عۇمىرىڭنىڭ جاپىراعى سارعايىپ·

ساعىنشقا تولى كۇز

مۇمكىن ەمەس قايتا ورالۋ وتكەنگە،
(ەندى ەكەۋمىز بارا المايمىز كوك بەلگە).
كوڭىلىمنىڭ ولقى تۇسى كوپ مەندە،
كوتەرەمدەي ارەڭ جەتكەن كوكتەمگە.

ءداۋ قالادا كەلەم جالعىز قۇلازىپ،
(كوڭىلىمنىڭ جارتى اسپانى قۇلا بۇلىت).
قاعىپ -سوعىپ ءوتىپ جاتىر قاسىمنان،
الدە نەگە اسىعىستاۋ مىنا جۇرىت.

اۋىر ويلار مازا بەرمەي قامشىلاپ،
(جۇرەگىمدى مازالايدى سان سۇراق).
سارى كۇزدە تۇنىپ قالعان شىق قۇساپ،
جانارىما جاس كەلەدى تامشىلاپ.

ۇرى ۋاقىت جاسىرعانمەن ىزدەردى،
(ورالمايدى سول ءبىر كوكتەم بىزگە ەندى).
ەسكە سالىپ ساعىنىشتى ەسكىرگەن،
مىنە تاعى سارعايعان ءبىر كۇز كەلدى.

جاڭا ماۋساسىم ءبىر كۇز كەلدى جىل اۋناپ،
(جىلى جاققا تىرنادا ۇشتى تىراۋلاپ).
قولتىقتاسىپ، شالقىپ باسىپ كەلەر دەپ،
ءباز-باياعى ءبىزدى كۇتىپ تۇر-اۋ باق.

كەلدى سولاي ساعىنىشقا تولى كۇز،
(قۋانىشتان مۇمكىن كوپتەۋ سورىمىز).
ءومىر-وزەن ارناسىندا باياعى،
وزگەرگەن تەك ەكەۋمىزدىڭ جولىمىز.

سارى كۇز بەن سارى قىز

قيال قۋىپ كەلە جاتتىم قالادا،
(ەرجەتسەم دە كەيدە ۇقسايمىن بالاعا).
الدە نەگە قۇلازيدى كوڭىلىم،
قۇبا شولدى قالعانداي ءبىر دالادا.

الماتى مەن استاناداي قالامىز،
بايتاق مىناۋ سارى ارقاداي دالامىز.
اپپاق جەلەك جامىلعالى اي تولدى-اۋ،
ال مەن تۇرعان قالادا ءالى قارا كۇز.

اياعىڭا التىن ۇيىپ جاتسادا،
(ساعىم كوڭىل ساتىلمايدى اقشاعا).
ادەتىمە باسىپ سول ءبىر باياعى،
قادام باستىم كوپ باراتىن باقشاعا.

ۋىلدەيدى بوران ىرعاپ تالداردى،
(الدە كىمنىڭ جەلگە ۇشقانداي ارمانى).
قيماستىقپەن ساباعىنان اجىراپ،
ۇزىلەدى جاپىراقتار ءبار-ءبارى.

سارى جاپىراق ءتۇسىپ جاتىر ساۋدىراپ،
تالىن قيماي جاس قىرشىنداي جاۋدىراپ .
مەن دە بارىپ اياق جازىپ وتىردىم ،
توپتى ادامدار جۇرگەن جەردەن ءسال جىراق.

جۇرەكتەگى نىسانانى باسىپ ءدال ،
قول ۇستاسىپ كەتىپ بارات عاشىقتار .
ءبىرىن-ءبىرى باسىپ ىستىق قۇشاققا ،
مىنا جاقتا سۇيىسەدى پاسىقتار.

دەمە دوستىم جازبادىڭ دەپ وزگە ولەڭ ،
(كورمەيتىندى كورەت كەيدە كوز دەگەن) .
ءوز وتىمدى ءوزىم ۇرلەپ جاعايىن،
ۇمىتتەنبەيىم جىلۋ كۇتىپ وزگەدەن.

ارمان ارۋ قولىن بۇلعاپ الىستان،
سارى التىنداي سارى كۇزدە تانىسقان.
بار ەدى عوي سارى قىزىم مەنىڭ ءبىر،
قوزى بولسام باياان بولىپ تابىسقان .

سول سارى قۇس ۇشىپ كەتتى قولىمنان،
(زامان-جىلان كەس-كەستەدى جولىمنان).
ساعىنشتان سارعايىپ تۇر جۇرەگىم،
قارا شانشۋ قادالعانداي جونىمنان.

سارى جاپىراق سياقتى سول ۇزىلگەن،
مەندە سولاي جاڭىلدىم با ىزىمنەن.
جارتى جولدا اداستىرعان باعىتتان،
ەندى ءۇمىت كۇتپەيمىن بۇل كۇزىمنەن.

ساعىنشتى ارقالاتتى -اۋ سارى كۇز،
سارى كۇزدە تانىسقان ەت سارى قىز.
ساعىمدايىن عايىپ بولىپ كەتسىەڭدە،
ساعىنسىپ جۇرگەندەيمىز ءالى ءبىز....

جابىرقاسام ولەڭ جازىپ قۋانام ،
(تاعدىر ءوزى بەرگەن دارىن تۋادان).
و،ءتاڭىرىم اقىنداردى جىلاتپا ،
جىلاپ قالسام قايتىپ قانا ۋانام.

Abai.kz