باتاعا قاتىستى ءوز ويىم:

قازاق باتاعا ەرەكشە ءمان بەرەدى. بۇل جاقسى ءداستۇر.

استارىندا - ارۋاقتى رازى ەتۋ، تىرشىلىككە جاقسىلىق تىلەۋ، ۇرپاققا جول كورسەتۋ جانە ت.ت. ىزگى نيەت جاتادى.

باتا  - تازا كوڭىلدەن شىعۋى ءتيىس. سونىسىمەن ول شىنايى.

بىراق، ونىڭ ءار جاعدايعا بايلانىستى بەرىلەتىن ءتۇرى بار ەكەنىن ەسكەرۋ كەرەك.

ۇلى تويعا ۇلى باتا بەرىلەدى.

ول - ەلدىك ماسەلەنى قامتيدى.

ورتا تويعا - ورتاعا قاتىستى باتا بەرىلەدى. ول - وسى اۋلەتكە، جيىنعا قاتىسۋشىلاردى قامتيدى.

ال، كۇندەلىكتى داستارحاندا بەرىلەتىن باتا - قىسقا-نۇسقا بەرىلۋى ءتيىس.

ءبىز بولساق، ءاربىر داستارحانعا باتا بەرگەندە، نەعۇرلىم ۇزاق ايتساق، ادەمىلەپ ايتساق دەپ تىرىسامىز.

بۇل دۇرىس ەمەس.

ول جاعدايدا - باتا تەك "باتا ءۇشىن" ايتىلعان بولىپ شىعادى.

بۇل، ياعني، "ادەمى باتا بەردى" دەپ كوزگە ءتۇسىپ، ماقتانىشقا بولەنۋ ءۇشىن دەگەندەي وي قالدىرادى.

سەبەبى، ءاربىر سىيلى قوناقتىڭ، اقساقالدىڭ قيىنىنان قيىستىرىپ، جىراۋلارشا تولعاپ باتا بەرۋگە قابىلەتى جەتە بەرمەيدى.

سوندىقتان بۇگىندە جاسى ۇلكەن كىسىلەردىڭ ءوزى قازىر باتا بەرۋدەن قاشقاقتايتىن بولدى.

"سەن بەر، مەن بەر" دەپ، باتا بەرۋدى دوپشا دوڭگەلەتەتىن جاعدايعا جەتتىك.

ولاي بولسا، ءبىز كۇندەلىكتى باتانى كوپ سوزبەن سوزباي، ۇيقاستىرىپ ارلەيمىن دەپ اۋرە بولماي - ءوزىڭنىڭ شىن تىلەۋىڭدى ايتۋعا دەن قويعانىمىز ابزال.

مىسالى، ۇلكەن-كىشىلى داستارحاندا "باتانى جاقسى بەرەدى" دەپ، جاسى كىشىلەرگە جول بەرەمىز، كەيدە.

نەگىزى، وندا ەڭ ۇلكەن قاريا بەرۋ كەرەك ەدى.

سوندىقتان، وسىلاي بولماس ءۇشىن، مەتاەپيستەما توبىمىز "داستارحان باتاسى" ستاندارتتارىن جاساسا - ارتىق بولماس ەدى...

ول - باتانىڭ وتە قىسقا، بىراق، ادرەستى بولۋىن قامتاماسىز ەتەتىندەي بولعانى ءجون بە دەيمىن...

سوندا عانا، قاريالار باتا بەرۋدەن قاشپايتىن بولادى...

ءابدىراشيت باكىرۇلى، فيلوسوف

Abai.kz