سەنىڭ ادامگەرشىلىك ۇستانىمىڭ – قالاعان نارسەڭە جەتۋ ءۇشىن نە ىستەۋگە دايىن ەكەنىڭدى ايقىندايدى...

ادىلدىك تۋرالى ايتۋ – ۇلكەن پايداعا كەنەلۋگە ۋادە بەرىپ، وتىرىك ايتۋعا دەيىن بارساڭ، ارزان ءسوز بولىپ قالادى...

بىرەۋگە زيان كەلتىرۋگە مۇمكىندىك بەرەتىن بيلىك قولىڭا تيمەي تۇرىپ، وزگەلەرگە جاقسى قارىم-قاتىناس جاساۋ وڭاي...

ءدال وسىنداي ساتتە سەنەن ادامدىق قاسيەتىڭنىڭ قانشالىقتى قىمبات ەكەنىن تاڭداۋدى تالاپ ەتەتىن جاعداي تۋادى...

ويتكەنى ءالسىز ادامدى پايدالانىپ، ودان پايدا تابۋ – سەنى ساتىپ الۋعا قانشا اقشا جەتكىلىكتى ەكەنىن كورسەتەتىن ولشەم...

ال ۇستانىمعا اينالدىرۋ سەنەن قۇرباندىقتى تالاپ ەتە باستاعان كەزدە دە ساقتايتىن ۋادە – سەنىڭ قاعيداڭ.

قارىزىڭدى وتەپ ءجۇر...

قاشىپ قۇتىلۋعا مۇمكىندىك بولسا دا، كەلىسىلگەن ۋادەڭدى ورىندا.

ساعان سەنگەن ادامعا زيان كەلتىرەتىن كەلىسىمنەن باس تارت.

ەگەر ءسال عانا تيىمدىرەك ۇسىنىس پايدا بولعان ساتتە ءسوزىڭدى وزگەرتە بەرسەڭ، كەز كەلگەن ساتىپ الۋشى سەنىڭ مىنەز-قۇلقىڭدى وڭاي-اق باعالاي الادى.

سوندىقتان ءوزىڭنىڭ ادالدىعىڭ مەن ادىلدىگىڭدى اشكوزدىك پەن اتاققۇمارلىقتان ءاردايىم جوعارى قوي.

ىسكەرلىك ويىڭ مەن ار-ۇياتىڭ ءوزىڭ ۇمىتقىڭ كەلەتىن نارسەلەردىڭ ءوزىن ۇنەمى ەسىڭە سالىپ تۇرادى...

سەن زال تولى ادامدى ءوزىڭنىڭ دۇرىس ارەكەت جاساعانىڭا سەندىرە الاسىڭ. بىراق كىمگە سىرتىنان پىشاق سۇققانىڭدى ءوزىڭ جاقسى بىلەسىڭ...

ادامدار سەنىڭ جەڭىسىڭە قۋانىپ، قۇتتىقتاۋى مۇمكىن. بىراق سول جەڭىسكە قانداي جولمەن جەتكەنىڭدى ءوزىڭ انىق ەسىڭدە ساقتايسىڭ...

بۇرىس ىسكە بەيىمدەلىپ كەتۋىڭ ونىڭ بۇرىس ەكەنىن جويمايدى، جوعالتپايدى.

ونى مويىنداۋعا، كەلتىرگەن زيانىڭدى وتەۋگە جانە ءوز تاڭداۋىڭنىڭ زاڭدى سالدارىن كوتەرۋگە باتىل بول.

سوندىقتان وزگەلەردەن قۇرمەت تالاپ ەتپەس بۇرىن، الدىمەن ءوزىڭنىڭ قالاي ءومىر ءسۇرىپ جۇرگەنىڭە ءبىر ءۇڭىلىپ كور.

سەنىڭ ادامگەرشىلىك ولشەمىڭ وزىڭە ءتيىمدى بولعانىمەن، وزگەلەرگە زيان كەلتىرەتىن نارسەنى دە تاني الاتىنداي بولسىن.

سەنىڭ ۇستانىمىڭ قورعايمىن دەپ انت ەتكەن نارسەڭدى ساتۋدان سەنى قورعاسىن...

بۇكىل جۇرت سەنى اقتاپ تۇرعان كەزدە دە، ساناڭ سەنى تۇزەتە الاتىن بولسىن...

بيزنەسىڭنەن ايىرىلىپ قالساڭ دا، قاتەلىگىڭدى مويىنداۋعا، وزىڭە تيەسىلى ەمەس نارسەنى قايتارۋعا جەتكىلىكتى ادامدىق قاسيەت پەن مىنەزدى بويىڭدا ساقتا.

اقىر سوڭىندا بايلىققا جەتىپ، بىراق ءوزىڭدى جەك كورىپ ومىردەن ءوتۋ – تولەۋگە تۇرارلىقتان تىم قىمبات قۇن.

ادامنىڭ ەڭ قۋاتتى زاڭى، ونىڭ ار-ۇياتى...

ەڭ مىقتى قورعانى، ونىڭ ۇستانىمى...

ال ومىردەگى ەڭ ءادىل تورەشىسى،  ونىڭ سانا-سەزىمى...

امانتاي تويشىبايۇلى

Abai.kz