رەسەي درون قۇراستىرۋعا 25 مىڭعا دەيىن سولتۇستىك كورەيالىق جۇمىسشىنى جالداعان...

رەسەيدىڭ ۋكرايناعا باسىپ كىرۋىن ساياسي دەڭگەيدە قولداعان پحەنيان رەسەي اسكەرىنىڭ جەكە قۇرامىن تولىقتىرىپ، ماسكەۋگە قارۋ-جاراق جەتكىزىپ كەلگەن. ەندى بۇۇ زەرتتەۋشىلەرى 25 مىڭ كحدر ازاماتىنىڭ رەسەيدە درون قۇراستىرۋمەن اينالىسىپ جاتقانىن، ال ولاردىڭ تاپقان تابىسىنىڭ باسىم بولىگى كيم چەن ىن رەجيمىنە كەتەتىنىن انىقتادى.

بۇۇ قاۋىپسىزدىك كەڭەسىنىڭ سانكتسيالاردى مونيتورينگتەۋ جونىندەگى كوپجاقتى توبىنىڭ (MSMT) بايانداماسىنا سايكەس، 2025 جىلدىڭ اياعىندا رەسەي تەرريتورياسىندا 15 مىڭنان 30 مىڭعا دەيىن سولتۇستىك كورەيالىق جۇمىسشى بولعان. ولاردىڭ ىشىندە مىڭعا جۋىق ادام ستراتەگيالىق ماڭىزدى كاسىپورىنداردا — قورعانىس زاۋىتتارىندا، بولات قورىتۋ كومبيناتتارىندا جانە كەمە جاساۋ قۋاتتارىندا ەڭبەك ەتكەن.

ۋكراينا بارلاۋى دا كندر-دىڭ 25 مىڭ ازاماتى تاتارستانداعى «الابۇعا» ارنايى ەكونوميكالىق ايماعىندا ۇشقىشسىز ۇشۋ اپپاراتتارىن وندىرۋدە جۇمىس ىستەيتىنىن حابارلاعان.

«راديو سۆوبودا» دا وسىعان ۇقساس مالىمەتتەردى كەلتىرە وتىرىپ، سولتۇستىك كورەيا جۇمىس كۇشىن شەتەلدە پايدالانۋعا تىيىم سالاتىن بۇۇ سانكتسيالارىن اينالىپ ءوتۋ ءۇشىن ءوز ازاماتتارىن «ستۋدەنتتەر» رەتىندە راسىمدەيتىنىن جازعان. 2025 جىلى رەسەي سولتۇستىك كورەيا ازاماتتارىنا 36 400 ۆيزا بەرگەن، ولاردىڭ 35 800-ءى - ستۋدەنتتىك ۆيزالار.

Abai.kz